Hurt Leibonik vypuściŭ novuju pieśniu, pryśviečanuju zahinułym patryjotam
16 traŭnia hurt Leibonik prezientavaŭ svaju novuju pieśniu Jaryły Kryž, jakaja pryśviačajecca zahinułym biełaruskim patryjotam, paviedamlaje Budzma.org.
Prezientacyja pieśni adbyłasia ŭ dzień pamiaci hramadskaha i kulturnickaha dziejača, bajca pałka Kalinoŭskaha Mirasłava Łazoŭskaha.
«Niekali ja pračytaŭ u žž @skepsys post pra «taŭro tutejšaści» — kryž ź dźviuma papiarečynami, jaki vykarystoŭvajecca pa ŭsim śviecie, a na biełaruskich ziemlach adznačyŭsia jak rodavy hierb Jahiełonaŭ, znak na tarčy vieršnika z Pahoni, nu i ŭ tym ci inšym vyhladzie ŭvachodziŭ u simvoliku nacyjanalna aryjentavanych biełaruskich arhanizacyj (relihijnych, vajskovych, kulturnickich, hramadskich).
Nu i niekatorymi nazyvajuć heta «kryžam Jaryły» — pahanskaha salarnaha bostva tutejšaha panteonu — i hienezis znaku tady adnosiać da dachryścijanskich časoŭ. Pračytaŭ — i zrabiŭ takuju pieśniu», — napisaŭ lidar hurta Siarhiej Bašłykievič na svajoj staroncy ŭ instahramie.
Kamientary