Cichanoŭskaja: Zabrali ŭ Azarava dostup da čat-bota «Pieramoha»
Śviatłana Cichanoŭskaja prakamientavała «Lusterku» rassyłku paviedamleńniaŭ udzielnikam płana «Pieramoha» z zaklikam udzielničać u vybarach u Kaardynacyjnuju radu i hałasavać za błok Alaksandra Azarava. Pa słovach kiraŭnika Abjadnanaha pierachodnaha kabinieta, paśla hetaha Azarava pazbavili dostupu da čat-botu płana «Pieramoha».
Śviatłana Cichanoŭskaja śćviardžaje, što rassyłka nie była ŭzhodnienaja ni ź jaje Ofisam, ni z Abjadnanym pierachodnym kabinietam.
— Heta złoŭžyvańnie, jakoje moža pastavić pad pahrozu ludziej unutry krainy, — zajaviła lidarka demsił.
Cichanoŭskaja taksama raskazała, jakija nastupstvy heta budzie mieć dla kiraŭnika Bajpoł:
— Paśla rassyłki paviedamleńnia Alaksandr Azaraŭ byŭ pazbaŭleny dostupu da čat-bota da vyśviatleńnia abstavinaŭ. Adznaču, što čat-bot — nie toje samaje, što płan «Pieramoha». Heta najpierš instrumient dla kamunikacyi ŭ nadzvyčajnych situacyjach.
U noč z 21 na 22 traŭnia zarehistravanyja ŭ płanie «Pieramoha» ludzi atrymali paviedamleńni z zaklikam udzielničać u vybarach novaha składu Kardynacyjnaj rady i hałasavać za śpis «Zakon i pravaparadak», jaki ŭznačalvaje kiraŭnik Bajpoł Alaksandr Azaraŭ. U kamientary «Biełsatu» jon paćvierdziŭ, što rassyłku sapraŭdy inicyjavaŭ Bajpoł.
Siońnia Bajpoł apublikavaŭ pres-reliz, u jakim patłumačyŭ rassyłku žadańniem pryciahnuć uvahu da vybaraŭ u KR. Arhanizacyja nijak nie prakamientavała, što padvierhła ryzycy ludziej u Biełarusi.
Vybary ŭ Kaardynacyjnuju radu treciaha sklikańnia projduć u vychodnyja. Hałasavańnie pačniecca ŭ subotu 25 traŭnia i budzie praciahvacca da 27 traŭnia 2024 hoda. Užo zjaviŭsia śpiecyjalny mabilny dadatak dla vybaraŭ.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary
Chto zabraŭ? Nazavicie kankretnyja proźviščy, chto ciapier adkazny za čat-bot «Pieramoha».
Ci ciapier my ŭvohule nie budziem viedać, chto adkazny?
Pakul što budu ličyć, što adkaznaja sama Śviatłana Cichanoŭskaja. Pakul jana nie nazavie, chto adkazny.