U Hrodnie mužčyna mocna źbiŭ piensijanieraŭ, jakija siadzieli na łavačcy — jaho dziaŭčynie padałosia, što jany nie pavitalisia
Zaraz ahresiŭnamu haradziencu pahražaje vialiki termin.
![](http://nnexpictures.fra1.digitaloceanspaces.com/img/w732d4webp1/photos/z_2024_05/1-7d1et.jpg.webp)
Fota: Milicyja Hrodna
Mužčyna razam sa svajoj dziaŭčynaj hulali pa vulicy Savieckaj u Hrodnie. Niedaloka ad doma na łavačcy siadzieła para piensijanieraŭ — 64-hadovy mužčyna i 77-hadovaja žančyna.
Dziaŭčynie nibyta zdałosia, što piensijanier nie pavitaŭsia ź joj, choć jany byli znajomyja. Jaje 37-hadovamu kavaleru heta nie spadabałasia — paśla svarki jon vyrašyŭ źbić pažyłuju paru.
Mužčyna, jaki znachodziŭsia pad hradusam, pačaŭ dušyć piensijaniera, nanios jamu niekalki ŭdaraŭ pałkaj, a zatym anałahičnym čynam źbiŭ žančynu. Jon biŭ z takoj siłaj, što pałka ŭ vyniku złamałasia.
Ciapier u dačynieńni da debašyra raspačali kryminalnuju spravu za asabliva złosnaje chulihanstva. Jamu pahražaje da 10 hadoŭ kałonii.
Kamientary