У Гродне мужчына моцна збіў пенсіянераў, якія сядзелі на лавачцы — яго дзяўчыне падалося, што яны не павіталіся
Зараз агрэсіўнаму гарадзенцу пагражае вялікі тэрмін.
Фота: Міліцыя Гродна
Мужчына разам са сваёй дзяўчынай гулялі па вуліцы Савецкай у Гродне. Недалёка ад дома на лавачцы сядзела пара пенсіянераў — 64-гадовы мужчына і 77-гадовая жанчына.
Дзяўчыне нібыта здалося, што пенсіянер не павітаўся з ёй, хоць яны былі знаёмыя. Яе 37-гадоваму кавалеру гэта не спадабалася — пасля сваркі ён вырашыў збіць пажылую пару.
Мужчына, які знаходзіўся пад градусам, пачаў душыць пенсіянера, нанёс яму некалькі ўдараў палкай, а затым аналагічным чынам збіў жанчыну. Ён біў з такой сілай, што палка ў выніку зламалася.
Цяпер у дачыненні да дэбашыра распачалі крымінальную справу за асабліва злоснае хуліганства. Яму пагражае да 10 гадоў калоніі.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч5
Каментары