Na MKAD adbyłasia avaryja z udziełam fury, ruch surjozna ŭskładnieny
Dniom 7 červienia na 33-m kiłamietry vonkavaha koła MKAD adbyłosia DTZ z udziełam fury. Heta paŭpłyvała na ŭvieś darožny ruch, stvaryŭšy vialiki zator.
![](http://nnexpictures.fra1.digitaloceanspaces.com/img/w732d4webp1/photos/z_2024_06/photo_2024-06-07_16-53-43-vq3g6.jpg.webp)
Pavodle papiaredniaj infarmacyi, fura MAN pierastrojvałasia z druhoj pałasy ŭ pieršuju. 44-hadovy kiroŭca nie pierakanaŭsia ŭ biaśpiecy manieŭru, i hruzavik sutyknuŭsia ź lehkavym aŭtamabilem Hyundai.
Ad udaru Hyundai raźviarnuła i adkinuła ŭ treciuju pałasu, dzie ŭ hety čas ruchaŭsia hruzavik Scania. Kiroŭca i 15-hadovaja pasažyrka Hyundai byli dastaŭlenyja ŭ balnicu dla abśledavańnia, paviedamlaje UDAI HUUS Minharvykankama.
![](http://nnexpictures.fra1.digitaloceanspaces.com/img/w732d4webp1/photos/z_2024_06/content_109-h2e9b.jpg.webp)
Z-za hetaj avaryi na MKAD utvaryŭsia vialiki zator ad 38-ha kiłamietra MKAD u napramku źjezdu na vulicu Mazurava. Na miescy DTZ užo pracujuć supracoŭniki Dziaržaŭtainśpiekcyi.
Kamientary