Staradaŭni brovar u Hrodzienskaj vobłaści pradali na aŭkcyjonie za rekordnuju sumu
Cana padniałasia bolš čym u siem razoŭ.
Były brovar Česłava Skindera ŭ Michajłaŭščynie Ašmianskaha rajona pradali na aŭkcyjonie za rekordnuju dla histaryčnych abjektaŭ sumu.
Tarhi prajšli 19 červienia. Startavaja cana budynka 1907 hoda pabudovy składała 7400 rubloŭ. Adnak za try hadziny tarhoŭ jana vyrasła bolš čym u siem razoŭ. U vyniku brovar ź dziŭnaj kładkaj z pryrodnaha kamienia i cehły pradali za 53 520 rubloŭ.
Pieramožcu tarhoŭ dastaŭsia budynak byłoha brovara ź dźviuma prybudovami ahulnaj płoščaj kala 412 kv. m va ŭłasnaść i ziamielny ŭčastak 0,27 ha ŭ arendu na 50 hadoŭ, raskazali na Biełaruskaj univiersalnaj tavarnaj biržy.
Novy ŭładalnik zmoža pabudavać na ŭčastku žyły dom, abjekty kulturna-aśvietnickaha pryznačeńnia, hramadskaha charčavańnia, handlu, bytavoha absłuhoŭvańnia abo achovy zdaroŭja. Budynak brovara nie ŭklučany ŭ śpis historyka-kulturnych kaštoŭnaściaŭ.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary