Mižnarodny kryminalny sud (MKS) vydaŭ ordar na aryšt eks-ministra abarony Rasiei Siarhieja Šajhu i načalnika Hienštaba Valeryja Hierasimava. Pra heta paviedamlajecca na sajcie suda.
Pavodle suda, Šajhu i Hierasimaŭ niasuć adkaznaść za vajennyja złačynstvy: naniasieńni ŭdaraŭ pa hramadzianskich abjektach, pryčynieńnie praźmiernaj vypadkovaj škody hramadzianskamu nasielnictvu, addaču zahadu ab ździajśnieńni złačynstvaŭ i niazdolnaść ažyćciaŭlać naležny kantrol nad siłami, jakija znachodziacca pad ich kamandavańniem.
«Druhaja Pałata papiaredniaj vytvorčaści paličyła, što jość razumnyja padstavy mierkavać, što dvoje padazravanych niasuć adkaznaść za rakietnyja ŭdary, naniesienyja rasijskimi ŭzbrojenymi siłami pa ŭkrainskaj elektraenierhietyčnaj infrastruktury ŭ pieryjad jak minimum z 10 kastryčnika 2022 hoda pa mienšaj miery 9 sakavika 2023 hoda. Na praciahu hetaha času, u pryvatnaści, vialikaja kolkaść udaraŭ pa šmatlikich elektrastancyjach i padstancyjach była naniesiena rasijskimi ŭzbrojenymi siłami ŭ roznych punktach Ukrainy», — havorycca ŭ paviedamleńni.
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak13
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3333
Kamientary