U kazino hatela «Piekin» pryjšli siłaviki, i ciapier jano nie pracuje
Kazino «Opiera», raźmieščanaje ŭ minskim hateli «Piekin», časova nie pracuje. Pavodle infarmacyi vydańnia «Lusterka» ad svajoj krynicy, heta źviazana ź pieratrusami, jakija adbylisia tam na minułym tydni.
Jak raskazaŭ čytač «Lusterka», na minułym tydni ŭ kazino «Opiera» hatela «Piekin» prychodzili siłaviki.
«Praviali pieratrusy, vyłamali ŭsie dźviery, raźbili kamiery. A piersanał na tydzień pajšoŭ u adpačynak», — havoryć surazmoŭca.
U kazino «Opiera» na zvanki ŭ paniadziełak nie adkazvali. U raździele «Kazino» na sajcie hatela «Piekin» adznačajecca, što «pasłuha časova niedastupnaja». Sam hatel praciahvaje pracu, braniravańnie numaroŭ u im, pavodle administratarki, dastupnaje. Kazino ž u najbližejšyja dni nie budzie pracavać «pa techničnych pryčynach» i kali jano adkryjecca, supracoŭnica nie viedaje.
«Jość infarmacyja, što ŭ minuły čaćvier tam prajšoŭ rejd dziaržnarkakantrolu, nijakaj palityki tam dakładna nie było, — raskazała krynica «Lusterka», jakaja pracuje ŭ hulniavym biznesie Biełarusi. — Takoje zdarajecca časta: niečakana prychodzić pravierka, u zale ŭklučajuć śviatło i ŭsich prysutnych praviarajuć na najaŭnaść abo ŭžyvańnie narkotykaŭ.
Kažuć, u «Opieru» pryjšli pa navodcy, ale heta tolki čutki. Jak praviła, razam z narkakantrolem na rejd pryjazdžajuć i kantralory ź inšych viedamstvaŭ, naprykład, z sanstancyi abo ŭpraŭleńnia kultury Minharvykankama. Tak što dakładna nieviadoma, pa jakoj pryčynie heta kazino da hetaha pa nie pracuje. Mahčyma, u kahości z praviaralnikaŭ uźnikli pretenzii. Zusim nie abaviazkova, što jany źviazanyja z narkotykami».
Kazino «Opiera» naležyć TAA «Hiejminh hrup CHO». Ułaśnik hetaj firmy — zarehistravanaja na Kipry kampanija «Manary limited». Z-za hetaha «Hiejminh hrup CHO» ŭvachodzić u śpis jurydyčnych asob, jakim nielha pradavać svaje doli ŭ statutnych fondach. Kampanija isnuje sa śniežnia 2013 hoda. Pavodle danych servisu kartoteka.by na 2021 hod, u joj pracavała bolš za 300 čałaviek.
Čatyroch małaletnich dziaciej zabrali ŭ baćkoŭ u Ivanavie, bo tyja prajhravali ŭ anłajn-kazino
Pamiatajecie školnika z «Salihorskaj hulni»? Ciapier jon ahituje za Rasiju, chvalić HUBAZiK i rekłamuje dzieciam kazino dy machlaroŭ
Maładaja buchhałtarka z Baranavičaŭ zachapiłasia anłajn-kazino i zmahła prajhrać paŭmiljona rubloŭ svaich klijentaŭ
U pałacy Pucina ŭ Hielendžyku zamiest kazino i pakoja dla stryptyzu źjaviłasia damavaja carkva z tronam
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki5
Kamientary