Polšča praciahnuła sproščany paradak vydačy biełarusam prajaznoha dakumienta inšaziemca
Ilhoty ciapier buduć dziejničać da 31 śniežnia.
Polskija ŭłady praciahnuli pieryjad dziejańnia sproščanaha paradku vydačy prajaznoha dakumienta inšaziemca hramadzianam Biełarusi.
U 2023 hodzie biełarusy byli vyzvalenyja ad apłaty pošliny za prajazny dakumient, a taksama dla hramadzian Biełarusi byli ŭviedzienyja lhotnyja ŭmovy. Atrymać prajazny dakumient inšaziemca mohuć usie biełarusy, u jakich jość DNŽ abo PMŽ u Polščy, i ŭ jakich skončyŭsia termin dziejańnia biełaruskaha pašparta, albo jon byŭ zhubleny.
Pry hetym atrymać prajazny dakumient mohuć biełarusy z DNŽ niezaležna ad padstaŭ jaho atrymańnia — raniej na taki dakumient mahli raźličvać tolki tyja, chto pierajechaŭ u Polšču z humanitarnych pryčyn i zmoh davieści čynoŭnikam, što nie maje mahčymaści atrymać novy biełaruski pašpart.
Ilhotny pieryjad, jaki minaŭ 1 lipienia, ciapier praciahnuty da 31 śniežnia. Polskija ŭłady praciahvajuć hetyja praviły na paŭhoda ŭžo druhi raz zapar.
Z polskim prajaznym dakumientam biełarusy, jakija nie mohuć pajechać na radzimu, majuć mahčymaść padarožničać u krainy Šenhienskaj zony. Akramia taho, ź im možna atrymlivać vizy dla pajezdak u inšyja dziaržavy.
Taksama ŭ instrukcyi MUS Polščy śćviardžajecca, što prajazny dakumient moža ličycca paŭnavartasnym paśviedčańniem asoby.
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ1
Kamientary