U kurortnym pasiołku Narač z druhoj sproby pradali savieckuju bazu adpačynku. Novy ŭłaśnik płanuje pierarabić jaje pad hatel.
Baza adpačynku «Narač» raźmieščanaja prosta kala ŭjezdu ŭ kurortny pasiołak Narač u Miadzielskim rajonie. Pobač znachodzicca korpus sanatoryja «Naračanski bierah». Baza pracavała z 1965 hoda.
Abjekt składajecca z dvuchpaviarchovaha cahlanaha budynka płoščaj 239 kv. m i dźviuch haspadarčych pabudoŭ. Da budynkaŭ prylahaje ziamielny ŭčastak płoščaj 26 sotak, jaki novy ŭłaśnik atrymaŭ u arendu na 42 hady.
Pieršy aŭkcyjon pa prodažy bazy adpačynku nie adbyŭsia. Na druhi zarehistravaŭsia ŭsiaho adzin udzielnik, jaki i kupiŭ abjekt pa pačatkovaj canie, pavialičanaj na 5%. Kupla abyšłasia novamu ŭładalniku ŭ 149,8 tys. rubloŭ, abo kala $47 tys.
Bazu adpačynku kupiła pryvatnaja kampanija, jakaja zajmajecca vytvorčaściu vymiaralnych instrumientaŭ i abstalavańnia dla AZS.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»23
Kamientary