Miljon prahladaŭ u instahramie: krama adzieńnia ŭ Buda-Kašalovie stała šalona papularnaj dziakujučy surovamu mužyku ŭ rekłamie
Kolki b ni kazali suśvietnyja brendy ab nieabchodnaści vykarystoŭvać u rekłamie realnych ludziej zamiest prafiesijnych madelaŭ, im usio roŭna nie pieraplunuć kramu adzieńnia i abutku ŭ Buda-Kašalovie. Bližejšym da patencyjalnych klijentaŭ jašče nichto ŭ śviecie nie byŭ.
Nazyvajecca krama ŭ sacyjalnych sietkach Modern Clothing Shop — usio ŭ najlepšych tradycyjach nejminhu biełaruskich nievialikich haradoŭ. Ale na šyldzie napisana ścipłaje «Madern». U instahramie ryłzy kramy nabirajuć dziasiatki tysiač prahladaŭ. A samaje virusnaje videa — bolš za miljon. Sakret šalonaj papularnaści — suvory mužčyna ŭ hadach i śmiešnyja kamientaryi.
Možacie nie sumniavacca: tut vam prapanujuć vobraz na luby vypadak. Voś, naprykład, što rajać nabyć kryptavalutčykam.
— Sapraŭdny kryptaentuzijast nosić śvitšot tureckaha vytvorcy, padoŭžanyja šorty z nakładnymi kišeniami. Na nahach u kryptamena aerfors, škarpetki z tryma pałoskami. Karystajecca tualetnaj vadoj «Bitkojn». I heta daść pryrost 10 iksoŭ.
Jość u arsienale kramy i «vobraz dla byvałaha žanicha, jaki dakładna viedaje, što treba žančynam». Žanočy hołas pa-za kadram abiacaje, što lubaja niaviesta skaža žanichu «Tak», navat kali dla jaho heta nie pieršy šlub.
Chočacie źmianić śfieru dziejnaści i pačać pracavać tarołaham? I dla hetaha ŭžo praduhledžany łuk:
— Tajamničaści vobrazu dadaść znak vaŭka na ramiani. Jon dakładna pryciahnie novych klijentaŭ i prakładzie vam šlach na «Bitvu ekstrasensaŭ». U takim vobrazie vy budziecie vyhladać pa-sapraŭdnamu zahadkavym, asabliva kali vas paprosiać zrabić natalnuju kartu, matrycu losu abo raskład na kachańnie.
U kramie viedajuć pra ŭsie moładzievyja trendy. Supracoŭniki Modern Clothing Shop pakłapacilisia navat pra styl tych, chto lubić tapać chamiaka.
— Zaraz tykać chamiaka možna nie tolki chutka, ale i stylova. Pierad vami vobraz sapraŭdnaha chamsterfana. Prafiesijny palaŭničy na maniety nosić bavaŭnianuju aviersajz futbołku i chudzi z ptuškaj. Napružana naciskaje na ekran u lohkich karho štanach biez kišeniaŭ.
Mužčynu-madel zavuć Mikałaj Marza. Zdajecca, raptoŭnaja papularnaść jaho nie biantežyć. Mužčyna nie bieź ironii adkazvaje na kamientaryi tych, chto sprabuje žartavać ź jaho vobrazaŭ.
Padpisčyki ceniać parady ekśpiertaŭ kramy i navat sami prosiać dapamahčy prydumać vobraz, naprykład, dla pajezdki na šašłyki. Darečy, dziakujučy virusnym videa, u Modern Clothing Shop pačali pryjazdžać błohiery ź inšych haradoŭ. Kažuć, sapraŭdy ŭsio «spešł fo ju» — jašče i za śmiešnyja hrošy.
Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA8
Kamientary
Red. Prabačcie, što słoŭniki biełaruskaj movy nie adpaviadajuć vašym čakańniam. Słovam "dałoń" taksama nie karystajciesia.