Pamiatajecie, Minkult abiacaŭ pakazvać filmy ŭ ciahnikach? Pahladzieć ich nie atrymajecca z-za drennaha internetu
Žurnalisty «Mocnych navin» praviali ekśpierymient, jaki pravaliŭsia.
Žurnalisty vyrašyli skarystacca pasłuhaj u ciahnikach mižrehijanalnych linij biznes-kłasa pa maršrucie Minsk — Homiel.
U pačatku lipienia Minkult prezientavaŭ novy prajekt, u ramkach jakoha paabiacaŭ pakazvać u ciahnikach BČ kino «Biełaruśfilma». Karciny byli zahružany na miedyjasiervier BČ.
Aŭtary ekśpierymientu vyrašyli pahladzieć u darozie kino «Dzikaje Palavańnie karala Stacha» na ciahniku, jaki adpraŭlaŭsia ź Minska ŭ Homiel 5 lipienia ŭ 17:24.
Žurnalisty padklučylisia da Wi-Fi praz telefon. Ale ŭžo praz 10 chvilin z momantu adpraŭleńnia suviaź źnikła. Na noŭtbuku było toje samaje.
Internet źjaŭlaŭsia tolki na stancyjach, a paśla adpraŭleńnia adrazu źnikaŭ.
U daviedačnaj słužbie BČ rastłumačyli: na maršrucie Minsk — Homiel skarystać Wi-Fi u ciahniku, a tym bolš pahladzieć biełaruskaje kino nie atrymajecca.
Pryčyna ŭ tym, što ŭ Biełarusi niama techničnaj mahčymaści zabiaśpiečyć naležnuju suviaź uzdoŭž čyhunačnych linij, a značyć, i stabilnaha vychadu ŭ internet padčas padarožžaŭ nie budzie.
Atrymlivajecca, pasłuha, anansavanaja Minkultam, isnuje tolki naminalna, pa fakcie skarystać jaje pasažyry nie mohuć.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary