U Dniapry ŭ rybie zavioŭsia strašny parazit. Pierachodzić na čałavieka!
Kali źjeści takuju rybu, ličynki hielminta z kišačnika pranikajuć u piečań čałavieka. I moža pačacca cyroz, jaki z časam pierarastaje ŭ rak.
Va ŭzorach vyłaŭlenaj u Homielskaj vobłaści, na ŭčastku raki na miažy Rečyckaha i Łojeŭskaha rajonaŭ, płotki vyjavili žyvyja ličynki Opisthorchidae, paviedamlaje Rečycki zanalny centr hihijeny i epidemijałohii.
Apistarchoz — niebiaśpiečnaje zachvorvańnie, čaściej za ŭsio paražaje piečań, radziej — padstraŭnikavuju załozu. Mienavita ŭ hetych orhanach pasialajucca ličynki, kali čałaviek źjeŭ zaražanuju rybu. Chvareć na apistarchoz možna nieadnarazova, tamu kolkaść parazitaŭ u arhaniźmie moža dasiahać 40 000 štuk.
Kali nie lačycca, parazity mohuć žyć u arhaniźmie da 30 hadoŭ. Pry ich vialikaj kolkaści ŭ chvoraha moža vyjaŭlacca žaŭtucha. Akramia taho, parazity vyłučajuć taksiny, jakija mohuć vyklikać rak abo cyroz piečani. Zrešty, apistarchoz lečycca lohka, ale rabić heta treba pad nahladam miedykaŭ.
Bolš za ŭsio hetych hielmintaŭ u Sibiry, u basiejnach Obi dy Irtyša, tamu tam u bolšaści ludziej vypracavaŭsia svajho rodu imunitet. Hetyja parazity buduć žyć u ciele, a prajaŭ nie budzie. U biełarusaŭ takoha niama.
Kab abiezzarazić rybu, treba varyć ci smažyć jaje nie mienš 20 chvilin. A voś vendžańnie, pasoł i prasuška nie zabivajuć uzbudžalnikaŭ chvaroby. Raniej ličyłasia, što moža dapamahčy vymarožvańnie, ale vyśvietliłasia, što ličynki hinuć tolki pry vielmi nizkich tempieraturach.
Kamientary
nie błytać popaniaćciach