«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu
Adzin z samych zapaminalnych kadraŭ učorašniaj zalevy ŭ Minsku — dziaŭčyna, što siadzieła na dachu zatoplenaha aŭto. Onliner.by znajšoŭ dziaŭčynu i pahutaryŭ ź joj.
![](http://nashaniva.com/img/w840d4webp1/photos/z_2024_07/9baa25bc4e03d54d1117530c185e3518-jz8fz.jpg.webp)
Dziaŭčynu zavuć Valeryja, jaje mašyna — Suzuki Vitara 1991 hoda vypusku. Valeryja źjechała z MKAD i praciahvała ruchacca praz raźviazku praśpiekta Niezaležnaści i vulicy Rusijanava va Uruččy. Tam učora było adno z dvuch samych napružanych miescaŭ usiaho rajona: u nizinie doždž naliŭ cełaje voziera.
— Mašyna zahłuchła prykładna na pałovie «daždžavoha mora»: vada stała pranikać unutr, zapaŭniajučy sałon mnie pa pojas, ruki treślisia, jak paśla prystupu, dźviery zaklinili, i pryjšłosia ŭručnuju ciahnuć błakavańnie dźviarej. Ja sieła na dach, kab nie siadzieć u vadzie, i pryniała situacyju sa spakojem i humaram, — raspaviadaje dziaŭčyna.
— Darečy, z humaram nie adna ja pastaviłasia da taho, što adbyvajecca: chłopcy nadźmuli futbolny miač i z kaktejlem płavali ŭ hetym «Adryjatyčnym mory».
— Padpłyli skazać, jakoje siońnia nadvorje dobraje. Tak, sapraŭdy, narešcie nie horača. Nu i jak było nie paradavać tatu, jon ža taksama ŭdzielničaŭ u pryniaćci rašeńnia.
Zvanok baćku vyhladaŭ tak: «Nie pierapłyła? Jedu da ciabie», — raspaviadaje Valeryja. Sumiesnymi namahańniami Suzuki vyciahnuli z vady. — Spačatku z dvuma chłopcami dapamahli vyratavać hibrydnuju «łastaŭku» Ford Escape, potym mnie dapamahli vyciahnuć majho «konika», — adznačaje čytačka.
— «Na sušy» ludzi pastavilisia z razumieńniem: adzin chłopiec prynios mnie ciopłuju kavu z šakaładkaj, kab ja nie zachvareła. Kiroŭcy aŭtobusaŭ upuścili ŭnutr pieračakać nastupnuju chvalu zalevy i pieraapranucca.
— Nu a što ciapier? Mašyna na prasušcy. «Suzi» paru razoŭ zaviałasia navat paśla hetaha, ale paśla syšła ŭ časovuju komu. My jaje evakujavali ŭ nadziejnaje miesca, dzie jana ciapier sušycca i prachodzić pracedury pa reabilitacyi, — raspaviała Valeryja.
Minsk siońnia pajšoŭ pad vadu FOTY
Kamaroŭski rynak pieratvaryŭsia ŭ sapraŭdnaje mora VIDEA
Na Vaŭpšasava ŭ Dražni mašyna amal całkam syšła pad vadu FOTAFAKT
U Minsku zatapiła i stancyju mietro «Uschod». Adnak zakryvać jaje nie stali VIDEA
U padziemnym parkinhu ŭ Minsku patanuli 14 aŭtamabilaŭ VIDEA
Zaleva ŭ Minsku, vierahodna, była najmacniejšaj za ŭsiu historyju nazirańniaŭ
Kamientary