Śpikier Pałaty pradstaŭnikoŭ zaklikaŭ Bajdena nieadkładna pajści ŭ adstaŭku z pasady prezidenta
Respublikaniec Majk Džonsan nazvaŭ admovu Bajdena ad praciahu ŭdziełu ŭ honcy biesprecedentnym momantam u historyi ZŠA.
![](http://nashaniva.com/img/w840d4webp1/photos/z_2024_07/gettyimages-2162478354-b0zru.jpg.webp)
Śpikier Pałaty pradstaŭnikoŭ ZŠA Majk Džonsan zaklikaŭ prezidenta Džo Bajdena nieadkładna pajści ŭ adstaŭku.
Respublikaniec u tvitary nazvaŭ vychad Bajdena z honki za 100 dzion da vybaraŭ biesprecedentnym momantam u historyi ZŠA.
«Demakratyčnaja partyja vyklučyła kandydata ad Demakratyčnaj partyi z vybarčaha biuletenia krychu bolš čym za 100 dzion da vybaraŭ. Likvidavaŭšy hałasy bolš za 14 miljonaŭ amierykancaŭ, jakija abrali Džo Bajdena kandydatam ad demakrataŭ na pasadu prezidenta, samaabvieščanaja «partyja demakratyi» dakazała prosta supraćlehłaje», — zajaviŭ Džonsan.
Śpikier nižniaj pałaty Kanhresa nazvaŭ vice-prezidentku Kamału Charys, jakuju Bajden padtrymaŭ u jakaści kandydata, «saaŭtarkaj katastrafičnych pravałaŭ administracyi Bajdena».
«Charys stała radasnym saŭdzielnikam nie tolki ŭ razbureńni amierykanskaha suvierenitetu, biaśpieki i roskvitu, ale i ŭ najbujniejšym palityčnym utojvańni ŭ historyi ZŠA. Jana, jak nichto inšy, viedała pra jaho (Bajdena) niazdolnaść kiravać», — ličyć Džonsan.
Kanhresmien zaklikaŭ Bajdena nieadkładna pajści ŭ adstaŭku.
«Kali Džo Bajden nie dastojny bałatavacca na pasadu prezidenta, jon nie dastojny zajmać pasadu prezidenta. Jon pavinien nieadkładna pajści ŭ adstaŭku. 5 listapada jašče nie chutka», — adznačyŭ śpikier.
Džonsan zapeŭniŭ amierykancaŭ, što Kanhres hatovy abaraniać intaresy ZŠA jak usiaredzinie krainy, tak i za jaje miežami.
«Nadyšoŭ čas abjadnacca i pieramahčy Trampa». Bajden padtrymaŭ kandydaturu Kamały Charys na vybarach
«Najhoršy prezident u historyi krainy». Donald Tramp prakamientavaŭ vychad Džo Bajdena z prezidenckaj honki
Bajden vychodzić z prezidenckaj honki
Što adbudziecca, kali Bajden vyjdzie z prezidenckaj honki?
Kamientary