Fatohraf i biznes-kansultant Alaksandr Vałodzin apublikavaŭ u fejsbuku fotarepartaž pra adzin dzień vakalista hurta Mister X Ihara Bancara. Pavodle jaho, viadomy hrodzienski muzyka ŭžo kala hoda načuje ŭ vypadkovych miescach: u mašynie siabra, u načležcy dla biazdomnych i h. d.
![](http://nashaniva.com/img/w840d4webp1/photos/z_2024_07/452079087_7346606138773338_8287820149249059463_n-2-9znkh.jpg.webp)
U varšaŭskim načnym prytułku dla biazdomnych, jakaja znachodzicca na terytoryi zbankrutavałaha zavoda bietonnych vyrabaŭ, ludziej padymajuć u 5:55, potym ich kormiać śniadankam, a paśla jany pavinny pakinuć pamiaškańnie da viečara.
![](http://nashaniva.com/img/w732d4webp1/photos/z_2024_07/452254151_7346607532106532_2399669603617202204_n-umj45.jpg.webp)
La ŭvachodu ŭ prytułak jość jačejki, dzie biazdomnyja zachoŭvajuć svaje rečy. U Ihara Bancara tam lažyć taja samaja torba, praź jakuju evakujavali 150 čałaviek ź Ministerstva siamji ŭ minułuju sieradu. Asnoŭnaja častka rečaŭ, jakija Bancar pryvioz z saboj u Polšču, znachodzicca ŭ padvale ŭ siabra.
![](http://nashaniva.com/img/w732d4webp1/photos/z_2024_07/452077203_7346610255439593_3115900943690723061_n-4idg6.jpg.webp)
Miescaŭ u troch varšaŭskich prytułkach katastrafična nie chapaje, tamu biazdomnyja, jakija zastalisia na noč biez dachu nad hałavoj, načujuć niepadalok na bietonnych kanstrukcyjach zakinutaha zavoda ci šukajuć alternatyŭnaje miesca dla načlehu.
![](http://nashaniva.com/img/w732d4webp1/photos/z_2024_07/452264098_7346610685439550_6102106298399108856_n-prnav.jpg.webp)
Padčas adnoj sa sprobaŭ prabracca ŭ takoje miesca Ihar Bancar paškodziŭ sabie nahu i ciapier karystajecca pasłuhami palikliniki dla biazdomnych.
![](http://nashaniva.com/img/w732d4webp1/photos/z_2024_07/452075510_7346612248772727_1238252704018483159_n-9tbdb.jpg.webp)
U jaho, jak i va ŭsich biazdomnych, niama rehistracyi pa miescy žycharstva. U sprobach vyrašyć svaje biurakratyčnyja i sacyjalnyja prablemy jon chodzić u roznyja ŭstanovy: pakul biezvynikova, čaściej za ŭsio jaho kudyści adpraŭlajuć.
![](http://nashaniva.com/img/w732d4webp1/photos/z_2024_07/452263146_7346615798772372_4247750112686492941_n-vv147.jpg.webp)
![](http://nashaniva.com/img/w732d4webp1/photos/z_2024_07/452486372_7346614138772538_2379937328618847238_n-e4cy0.jpg.webp)
Muzyka i były palitviazień Ihar Bancar — adna ź lehiendaŭ Hrodna. U vieraśni 2020 hoda mužčyna ździejśniŭ pierformans — stancavaŭ biez štanoŭ pierad milicejskaj mašynaj, za što atrymaŭ paźniej paŭtara hoda chimii. Padčas źniavoleńnia Bancar trymaŭ praciahłyja haładoŭki, 40 dzion prasiadzieŭ u ŠIZA i prajšoŭ praź psichijatryčnuju ekśpiertyzu ŭ Navinkach.
![](http://nashaniva.com/img/w732d4webp1/photos/z_2024_07/452205164_7346612622106023_2216007590691763579_n-n5lj6.jpg.webp)
Kamientary
ličytie Jaho svajej lehiendaj i nie prymieščajcie hrodniencau,,
Dzie taja Koŭšyk ź jejnym Biełaruskim domam? Dzie ministarka sacyjalnaha raźvićcia Harbunova sa svaim lamantavańniem pa palitźniavolenych? Ciažka vam dać prytułak u jakim šełtary našamu čałavieku, akazać psichałahičnuju dapamohu? Dzie Asacyjacyja Biznesu ABBA? Ciažka ŭładkavać čałavieka vam, pravodziačy svaje hłabalnyja tusoŭki-pustečy za biaskoncyja hranty?
Pahladzicie narešcie na ludziej, a nie tolki ŭ svaje kišeni!