Minzdaroŭja mieła racyju: kureńnie sapraŭdy škodzić. Žychar Indanezii zhubiŭ šeść zuboŭ paśla taho, jak prypalenaja cyhareta absalutna źnianacku vybuchnuła ŭ jahonym rocie. Indanezijskija ŚMI paviedamlajuć, što dla vybuchu było niaŭčaśsie — mužčyna jakraz kiravaŭ matacykłam.
Pakul palicyja vyśviatlaje, što spryčyniłasia da vybuchu cyharety, harotny hieroj dnia, 31-hadovy Endzi Susanta abvieściŭ, što paśla hetaha dziŭnaha vypadku kinie palić.
Tytuniovaja kampanija, čyje cyharety spažyvaŭ Endzi, pahavaryła z paciarpiełym, i razam jany pastanavili, što ŭsio adbudziecca biez umiašalnictva suda. Susanta atrymaje 531 dalar i jamu apłaciać usie jahonyja vydatki pa pratezavańni zuboŭ. «Heta ŭpieršyniu, što my čujem pra taki vypadak, ale hatovyja ŭziać adkaznaść na siabie», — kažuć pradstaŭniki tytuniovaj kampanii.
U indanezijskim krai samy vysoki pracent kurcoŭ: tut palać troje čałaviek ź piaci.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary