ISW: Rasijskaje kamandavańnie supraciŭlajecca pierakidcy ŭ Kurskuju vobłaść bolš padrychtavanych častak z frontu
Vajennaje kiraŭnictva, mahčyma, pakul spadziajecca na ŭžo razhornutyja ŭ Kurskaj vobłaści padraździaleńni i lohkadastupnyja siły ŭ tyle, bolšaść ź jakich ukamplektavanyja pryzyŭnikami i nierehularnymi siłami, kab supraćstajać ukrainskim vajskoŭcam, adznačajuć analityki Instytuta vyvučeńnia vajny (ISW).
Pa ich mierkavańni, mienavita hetyja padraździaleńni, napeŭna, buduć praciahvać adkazvać na dziejańni ŭkrainskich vajskoŭcaŭ, u čakańni, kali rasijskaje vajennaje kamandavańnie vyrašyć pierakinuć siudy dadatkovyja, bolš padrychtavanyja padraździaleńni ź inšych łakacyj vajennych dziejańniaŭ. U lubym vypadku pierakidka takich padrychtavanych i lepš zabiaśpiečanych frantavych padraździaleńniaŭ z uschodu ci poŭdnia Ukrainy zapatrabuje času.
Analityki ISW nie vyklučajuć, što pakul rasijskaje kamandavańnie supraciŭlajecca praciskańniu rašeńnia ab pierakidcy ŭ Kurskuju vobłaść frantavych padraździaleńniaŭ ź inšych napramkaŭ, kab nie dapuścić zryvu nastupalnych apieracyj na ŭschodzie Ukrainy, piša Bi-bi-si.
Pry hetym, adznačajuć u ISW, jak minimum adzin z rasijskich «vajenkaraŭ» śćviardžaje, što ŭ rajonie Rylska ŭžo dziejničajuć častki 44-ha vajskovaha korpusa (Leninhradskaja vajskovaja akruha), što ŭvachodzić u skład hrupoŭki «Poŭnač».
Značnaja pieradysłakacyja elemientaŭ hrupoŭki «Poŭnač» u Kurskuju vobłaść budzie aznačać, što rasijskaje vajennaje kamandavańnie vyrašyła, što zryŭ nastupalnaj apieracyi na poŭnačy Charkaŭskaj vobłaści — heta «nieabchodnaja achviara» dziela taho, kab adekvatna adkazać na ŭkrainskaje ŭvarvańnie, paźbiehnuŭšy pry hetym pierakidki padraździaleńniaŭ z bolš pryjarytetnych učastkaŭ linii frontu, miarkujuć analityki ISW.
U troch rasijskich abłaściach uviali režym kontrterarystyčnaj apieracyi. Adna ź ich miažuje ź Biełaruśsiu
«Usio štatna», ale miery prymajucca. Što ciapier adbyvajecca vakoł Kurskaj AES
U PVK «Vahnier» zajavili ab žadańni ŭziać udzieł u bajach u Kurskaj vobłaści
Minabarony Rasii paviedamiła pra pierakidku vajskovaj techniki ŭ Kurskuju vobłaść
Mer Kurčatava, dzie znachodzicca Kurskaja AES, zajaviŭ ab napružanaj situacyi i bajach za dziasiatki kiłamietraŭ ad horada
Dla KDB pabudujuć asobnuju balnicu na VIP-uzroŭni8
Kamientary