Jahoraŭ i Prakopjeŭ chočuć, kab da žniŭnia 2025 Cichanoŭskaja praviała vybary lidara demakratyčnych siłaŭ
Andrej Jahoraŭ i Vadzim Prakopjeŭ zaklikali pravieści vybary lidara demakratyčnych siłaŭ. Jany bačać u apazicyi kryzis i pierakananyja, što heta najlepšy sposab pieraadoleć jaho.
«Vybary — asnova demakratyi. Demakratyčnyja siły majuć pravieranuju płatformu Paŭła Libiera, jakaja dakazała svaju biaśpieku na vybarach u Kaardynacyjnuju radu. … Ciapier važna ŭličyć minułyja niedachopy i pryciahnuć bolš vybarščykaŭ.
Vybary nie tolki paćvierdziać mandat lidara, ale i dazvolać vybarcam vybrać najbolš efiektyŭnuju pieradvybarčuju prahramu i adsočvać jaje realizacyju. My ŭpeŭnienyja, što da žniŭnia 2025 hoda, kali minajuć paŭnamoctvy dziejnaha lidara, dastatkova času dla jakasnaj padrychtoŭki i praviadzieńnia vybaraŭ», — havorycca ŭ zajavie błoka.
Jahoraŭ i Prakopjeŭ miarkujuć, što arhanizavać takija vybary pavinna Śviatłana Cichanoŭskaja.
Jany nie zhodnyja z tym, što nizkaja jaŭka asłabić mižnarodnaje pryznańnie.
«Zachodnija partniory kirujucca vyklučna svaimi nacyjanalnymi intaresami, a nie ŭnutranymi pakazčykami demakratyčnych siłaŭ va ŭmovach represij z boku režymu Łukašenki. Dla ich važniejšaja naša prychilnaść demakratyi, prazrystaści i źmianialnaści ŭłady», — zapeŭnivajuć jany.
Nahadajem, što na kanfierencyi «Novaja Biełaruś», jakaja prajšła 3-4 žniŭnia, byŭ padpisany sumiesny pratakoł, pavodle jakoha Śviatłana Cichanoŭskaja abviaščajecca nacyjanalnym lidaram da momantu praviadzieńnia sumlennych vybaraŭ u Biełarusi.
Niekalki frakcyj u Kaardynacyjnaj radzie, a taksama niekatoryja palityčnyja hrupy zapiarečyli hetamu. Błok «Biełarusy» Jahorava i Prakopjeva zajaviŭ, što mandat Cichanoŭskaj skončycca 9 žniŭnia 2025 hoda, u piatyja ŭhodki apošnich prezidenckich vybaraŭ.
Błok Jahorava — Prakopjeva nabraŭ na vybarach u Kaardynacyjnuju radu 1050 hałasoŭ (usiaho ŭdzieł u vybarach uziali 6723 čałavieki). Tyja vybary vyjhraŭ błok Paŭła Łatuški, za jaki prahałasavali 2358 čałaviek.
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova7
Kamientary
dyk pra čyje nacyjanalnyja intaresy dbajuć jahoravy-prakopavy? biełarusaŭ? ci zachodnich partnioraŭ?