MZS Biełarusi papiaredziła ab «vielmi pryncypovym staŭleńni ES da viz biełarusaŭ»
Viedamstva prakamientavała situacyju z zatrymańniem biełaruskich turystaŭ u Hiermanii. Jany jechali ŭ Ispaniju pa hreckich vizach.
Biełaruskija turysty, jakich zatrymali ŭ Hiermanii, užo jeduć dadomu. Pra heta paviedamlaje MZS Biełarusi.
Kala 40 turystaŭ byli zatrymanyja paśla pašpartnaha kantrolu ŭ Hiermanii — jany jechali na aŭtobusie ŭ Ispaniju, ale pry hetym u ich byli hreckija vizy, adkrytyja pad tur u Hrecyju. Pa słovach pres-sakratara MZS Anatola Hłaza, uviečary 21 žniŭnia turysty na inšym aŭtobusie adpravilisia ŭ Biełaruś.
«Čarhovy raz źviartajem uvahu na nieabchodnaść strohaha vykanańnia vizavaha zakanadaŭstva krain ES pry płanavańni i ažyćciaŭleńni turystyčnych pajezdak i ŭliku časam hranična pryncypovaha staŭleńnia adpaviednych słužbaŭ krain ES da hetych pytańniaŭ», — zajavili ŭ MZS.
U aŭtobusie, jaki vioz turystaŭ u Ispaniju na ŭźbiarežža Mižziemnaha mora, znachodzilisia 62 čałavieki. Kala 40 ź ich byli zatrymanyja, pakolki ŭ ich byŭ pieršy ŭjezd pa karotkaterminovaj hreckaj vizie. Pakolki aŭtobus vidavočna nie nakiroŭvaŭsia ŭ Hrecyju, niamieckija pamiežniki zafiksavali parušeńnie vizavaha zakanadaŭstva i zatrymali biełarusaŭ.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu7
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary
Doŭhi čas isnujuć takija praviły pa karotkaterminovych vizach.
Navat kali b tam byli tolki dzieci, ich adpraŭlali darosłyja ludzi.