Zialenski padpisaŭ zakon ab zabaronie UPC Maskoŭskaha patryjarchatu
Prezident Ukrainy Uładzimir Zialenski padpisaŭ zakon ab zabaronie Ukrainskaj pravasłaŭnaj carkvy Maskoŭskaha patryjarchatu (UPC MP). Zaraz relihijnyja arhanizacyi, źviazanyja z Rasijaj, pavinny ciaham dzieviaci miesiacaŭ razarvać suviazi z RPC.
Viarchoŭnaja Rada zabaraniła dziejnaść UPC MP niekalki dzion tamu. «Za» tady prahałasavali 265 deputataŭ.
Inicyjataram hetaha zakona jašče ŭ śniežni 2022 hoda staŭ prezident Uładzimir Zialenski, jaki abviaściŭ tady kurs na «duchoŭnuju niezaležnaść ad Maskvy».
UPC MP, da jakoj ciapier naležać tolki 5 pracentaŭ viernikaŭ (paśla stvareńnia aŭtakiefalnaj Pravasłaŭnaj carkvy), ale jakaja maje 9 tysiač prychodaŭ, nie źjaŭlajecca manalitnaj strukturaj, a składajecca jurydyčna z prychodaŭ i jeparchij.
Tamu Dziaržaŭnaja słužba pa pytańniach etnapalityki i svabody sumleńnia (DES) pavinna vyznačyć, jakija struktury va Ukrainie majuć padparadkavanaść i suviazi z carkvoj z centram u Rasii. Paśla hetaha DES pavinna dać im pradpisańni pazbavicca ad hetaj zaležnaści, a kali tyja admoviacca, to źviartacca ŭ sud ab zabaronie ich dziejnaści.
DES pačnie spačatku źviartacca ab admienie rehistracyi Kijeŭskaj mitrapolii i jeparchij, a ŭžo potym asobnych prychodaŭ.
Hrodna staić na vušach paśla pryznańnia papularnaha haradskoha sajta «ekstremisckim». Ale na hetym nie skončyłasia33
Kamientary