Raskazvajem, što viadoma pra palitviaźnia, jakoha asudzili za teraryzm i razboj
Dźmitryju Asijuku mahło pahražać śmiarotnaje pakarańnie. Prysud nieviadomy.
Dźmitryju Asijuku 36 hadoŭ, pa źviestkach Digital intelligence team. Miarkujučy pa sacsietkach, rodam jon ź Biarozy, ale apošnim časam žyŭ u Breście. U Asijuka jość žonka, dačka, jakoj kala 8 hadoŭ, i zusim mały syn.
Pra rod zaniatkaŭ i adukacyju mužčyny dakładna nieviadoma.
Zhodna z zapisami z rasijskich bazaŭ, Dźmitryj u 2016 hodzie byŭ u vyšuku pa linii Interpała za «spryjańnie nielehalnaj mihracyi, ździejśnienaje paŭtorna». Ale infarmacyi pra toje, čym skončyłasia sprava, niama.
Asijuk za kratami sa śniežnia 2023 hoda. Sud nad im pačaŭsia 15 lipienia i skončyŭsia 14 žniŭnia 2024 hoda. Jaho vinavacili pa čatyroch artykułach: «akt teraryzmu» (č. 3 art. 289 KK), «niezakonnyja dziejańni ŭ dačynieńni da zbroi, bojeprypasaŭ i vybuchovych rečyvaŭ» (č. 3 i 4 art. 295 KK), «naŭmysnaje pryviadzieńnie ŭ niaspraŭnaść transpartnaha srodku abo šlachoŭ znosinaŭ» (č. 4 art. 309 KK) i «razboj» (č. 3 art. 207 KK).
Asijuku mahło pahražać až da rasstrełu.
Što za dziejańnie jamu zakidajuć — nieviadoma, ale tearetyčna heta mahła być dyviersija na čyhuncy niedzie ŭ Rasii.
Sudziŭ jaho Mikałaj Siańko. Jon ža prysudziŭ šeść hadoŭ ajcišnicy Natalli Levaj.
Zatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Stała viadoma, jakija katehoryi ludziej pakinuli za kratami paśla apošniaj abłavy na salidarnych z palitviaźniami
Dziaŭčynu, jakaja vučyłasia ŭ Varšaŭskim univiersitecie i doŭhi čas žyła ŭ Polščy, aryštavali za dapamohu palitviaźniam
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary