U Nacyjanalnym centry elektronnych pasłuh paviedamili, što daviedacca pra toje, ci jość čałaviek u bazie niezaniatych hramadzian, biełarusy mohuć praz resurs «Je-Pasłuha».
Novaja elektronnaja pasłuha dastupnaja na partale z 2 vieraśnia.
Ź jaje dapamohaj možna pahladzieć, ci ŭnosili čałavieka ŭ bazu darmajedaŭ na praciahu piaci hadoŭ. Kod pasłuhi — 3.33.05.
Jak piša BiełTA, elektronnaja pasłuha akazvajecca ŭ aŭtamatyčnym režymie.
«Adkaz na zapyt prychodzić pa technałohii «sistema-sistema» na padstavie danych dziaržinformresursu «Baza danych pracazdolnych hramadzian, nie zaniatych u ekanomicy», — prakamientavali ŭ centry.
Pra apošnija źmieny pa ŭklučeńni ŭ bazu niezaniatych hramadzian možna pačytać u našym raniejšym artykule.
Kamientary