Apanient Madury paśla vyjezdu ź Vieniesueły zajaviŭ, što jaho prymusili pryznać novaha prezidenta
U Vieniesuele vydali ordar na aryšt Edmunda Hansalesa pavodle abvinavačańnia ŭ zmovie i padrobcy dakumientaŭ.
Kandydat na prezidenta Vieniesueły ad apazicyi Edmund Hansales zajaviŭ, što jaho prymusili pryznać pieramohu Nikałasa Madury na vybarach, kab jon moh źviarnucca pa prytułak da ŭładaŭ Ispanii, piša Radyjo Svaboda.
U svaim videazvarocie Hansales skazaŭ, što pamočniki Madury prymusili jaho padpisać list, kali jon chavaŭsia ŭ ambasadzie Ispanii ŭ Karakasie.
«Byli vielmi napružanyja hadziny prymusu, šantažu i cisku. U toj momant ja ličyŭ, što ja moh by być bolš karysnym, kali b ja byŭ u turmie», — skazaŭ Edmund Hansales i nazvaŭ padpisany list «nikčemnym».
Pavodle jaho słoŭ, list prynieśli pamočniki Madury i nakazali jaho «albo padpisać, abo buduć nastupstvy».
Paśla atrymańnia prytułku ŭ Ispanii Hansales nazvaŭ siabie «abranym prezidentam miljonaŭ i miljonaŭ vieniesuelcaŭ, jakija prahałasavali za źmieny, demakratyju i mir» i paabiacaŭ «vykanać hety mandat».
U toj ža čas Chorche Radryhies, kiraŭnik Nacyjanalnaj asamblei Venesueły i klučavy sajuźnik Madury, skazaŭ, što Hansales dobraachvotna pastaviŭ svoj podpis pad pryznańniem pieramohi svajho apanienta.
Chorche Radryhies prapanavaŭ apanentu ciaham 24 hadzin admovicca ad svaich zajaŭ, a kali hetaha nie adbudziecca, to paabiacaŭ apublikavać aŭdyjozapis razmoŭ, jakija źniapraŭdziać jaho abvinavačańni.
«Kali vy padpisali pad ciskam, jak atrymałasia, što adna z vašych dačok dahetul žyvie ŭ Vieniesuele mirna, sa svajoj siamjoj, jak zvyčajnyja vieniesuelcy? Veniesuelcy mohuć dumać tak ci inakš, i ŭsim im jość miesca na terytoryi Balivaryjanskaj Respubliki Vieniesueła. Tut niama miesca hvałtu i fašyzmu», — zajaviŭ Chorche Radryhies.
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary