«Tur — jakasnaja prapahanda. A Azaronak… Moj susied mienš paskudnych słoŭ kaža»
U novym vypusku TOKu były viadučy «Zony Ch» i były palitźniavoleny Dźmitryj Łukša acaniŭ rabotu frontmenaŭ biełaruskaj prapahandy.
U chodzie razmovy Dźmitryj Łukša paraŭnaŭ pracu Ihara Tura i Ryhora Azaronka. Pa jaho słovach, niahledziačy na toje, što da Ihara Tura šmat pytańniaŭ adnosna źmiestu jaho vystupleńniaŭ, «jon heta robić akuratna»:
«Jon nie vyklikaje da siabie ahidy. Chacia b na jaho pryjemna hladzieć. Hledziačy na jaho, ty nie zabyvaješsia, što heta čałaviek z ekranu. Što heta lidar jakich by tam ni było mierkavańniaŭ. Na jaho budzie pryjemna hladzieć čałavieku, jaki, mahčyma, nie asabliva pahružajecca ŭ toje, što jon havoryć, paviarchoŭna hladzić vypuski Ihara Tura.
Heta jakasnaja prapahanda. Pa-roznamu možna stavicca da taho, jakaja ŭ jaho načynka, ale prynamsi heta jakasna, pryhoža, stylova», — vykazvaje svajo mierkavańnie Łukša.
U toj ža čas, kali pahladzieć na Ryhora Azaronka, to składvajecca inšaje mierkavańnie:
«Vaźmi majho pjanaha susieda z Traktarnaha zavoda i pastaŭ jaho pobač z Ryhoram: znajdzi dzieviać adroźnieńniaŭ. Dyk susied, moža, mienš niejkich paskudnych słoŭ skaža».
«Navošta mnie hety brud hladzieć? Ty pavinien nie zabyvacca, što ŭ pieršuju čarhu pracuješ na telebačańni. Na ciabie pavinna być pryjemna hladzieć», — ličyć Łukša.
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
Ihar Tur try hady pisaŭ u apazicyjny čat, a ciapier spaliŭsia. Jakija dumki jon pravodziŭ?
Jak Azaronak staŭ takim? Novyja fakty ź bijahrafii samaha addanaha Łukašenku prapahandysta
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami
U Biełarusi, jak i ŭ minułym hodzie, na pieradnavahodnija chviliny adklučyli jutub12
Kamientary
Tut zaŭvažali, što ŭva ŭsialakich treba brać interviju. Heta tak. Ale ž KAMPLIMENTARNYJA interviju ŭ ŭsialakich