«Тур — якасная прапаганда. А Азаронак… Мой сусед менш паскудных слоў кажа»
У новым выпуску ТОКу былы вядучы «Зоны Х» і былы палітзняволены Дзмітрый Лукша ацаніў работу фронтмэнаў беларускай прапаганды.
У ходзе размовы Дзмітрый Лукша параўнаў працу Ігара Тура і Рыгора Азаронка. Па яго словах, нягледзячы на тое, што да Ігара Тура шмат пытанняў адносна зместу яго выступленняў, «ён гэта робіць акуратна»:
«Ён не выклікае да сябе агіды. Хаця б на яго прыемна глядзець. Гледзячы на яго, ты не забываешся, што гэта чалавек з экрану. Што гэта лідар якіх бы там ні было меркаванняў. На яго будзе прыемна глядзець чалавеку, які, магчыма, не асабліва пагружаецца ў тое, што ён гаворыць, павярхоўна глядзіць выпускі Ігара Тура.
Гэта якасная прапаганда. Па-рознаму можна ставіцца да таго, якая ў яго начынка, але прынамсі гэта якасна, прыгожа, стылёва», — выказвае сваё меркаванне Лукша.
У той жа час, калі паглядзець на Рыгора Азаронка, то складваецца іншае меркаванне:
«Вазьмі майго п'янага суседа з Трактарнага завода і пастаў яго побач з Рыгорам: знайдзі дзевяць адрозненняў. Дык сусед, можа, менш нейкіх паскудных слоў скажа».
«Навошта мне гэты бруд глядзець? Ты павінен не забывацца, што ў першую чаргу працуеш на тэлебачанні. На цябе павінна быць прыемна глядзець», — лічыць Лукша.
***
Дзмітрый Лукша нарадзіўся ў 1989 годзе. У канцы 2000-х і першай палове 2010-х працаваў на БТ, быў вядучым «Зоны Х».
У 2020 здымаў пратэсты для казахстанскага тэлеканала «Хабар». У 2022 быў арыштаваны і прысуджаны да 4 гадоў зняволення за ўдзел у дэманстрацыях і «дыскрэдытацыю Беларусі». Разам з ім была асуджаная яго жонка Паліна Палавінка. Адбываў пакаранне ў калоніі ў Шклове.
Вызваліўся 3 ліпеня 2024 года па памілаванні адначасова з жонкай, пасля чаго сям’я з’ехала ў Польшчу.
Глядзіце цалкам:
Ігар Тур тры гады пісаў у апазіцыйны чат, а цяпер спаліўся. Якія думкі ён праводзіў?
Як Азаронак стаў такім? Новыя факты з біяграфіі самага адданага Лукашэнку прапагандыста
«Усе бачылі, што яму падабаецца Наташа, і думалі: «Ну калі вы ўжо?!» Былы палітвязень Лукша расказаў пра свае адносіны з Эйсмантамі
«Беларусы будуць ціхенька думаць сваё. А вада камень точыць, дый Лукашэнка фізічна не вечны». Глыбокі маналог былога мытніка Алеся Юркойця4
Каментары
Тут заўважалі, што ўва ўсялякіх трэба браць інтэрвію. Гэта так. Але ж КАМПЛІМЭНТАРНЫЯ інтэрвію ў ўсялякіх