Hramadstva8080

«Hladzieli z dakoram, typu «čaho prypiorlisia», a ŭ kramie suvieniraŭ spytali, navošta my raźviazali vajnu». Rasijski turyst pra Biełaruś

Rasijanin padzialiŭsia ŭražańniami ad pajezdki ŭ Biełaruś i paabiacaŭ, što bolš da nas nie pajedzie.

Hety zdymak aŭtar padpisaŭ tak «Terytoryja vakoł muzieja VAV. Ludzi, chopić chavacca…». Fota: www.drive2.ru

Pra svaju pajezdku ŭ Biełaruś raskazaŭ adzin z rasijskich aŭtaamataraŭ na śpiecyjalizavanym sajcie. Mužčyna ź siamjoj płanavaŭ prajechać pa maršrucie Viciebsk — Minsk — Brest — Biełaviežskaja pušča — Hrodna — Minsk. Ale z-za niehatyŭnaha ŭražańnia paśla naviedvańnia pieršych dvuch haradoŭ kampanija viarnułasia dadomu. Što ich tak nie zadavoliła?

Pieršaje, na što rasijski padarožnik źviartaje ŭvahu, heta stan daroh: «Usie pišuć, što darohi ŭ Biełarusi prosta idealnyja. Heta niapraŭda. U RF daroha da Maskvy značna lepšaja».

Druhi momant, jaki vyklikaŭ niezadavolenaść u aŭtaamatara, — chutkasny režym. Jon skardzicca na toje, što abmiežavańnie chutkaści možna pieravysić tolki na 10 kiłamietraŭ na hadzinu. Pry hetym na darohach šmat kamier videafiksacyi.

Nie spadabaŭsia rasijaninu i styl jazdy na vulicach stalicy: «Na mašynie niervaŭ nie chopić jeździć, bo ŭsie platucca, a adzinki haniajuć pa vydzielenaj pałasie. A voś maršrutki i tralejbusy nosiacca, byccam śpiašajucca na pažar, i ludzi ŭ sałonie lotajuć z boku ŭ bok».

U Viciebsku i Minsku rasijanina ździvili amal pustyja vulicy i adsutnaść naviedvalnikaŭ u turystyčnych miescach.

«Viciebsk nahadvaje pravincyjny horad RF z padraźbitymi darohami. Dastatkova adyści z centralnaj vulicy ŭ dvor, jak tam adrazu — śmiećcie, pachi, brud i burjan».

U Minsku rasijanin źviarnuŭ uvahu na vialikuju kolkaść zakrytych sietkavych mahazinaŭ. «Spytali, čamu zakrytyja, skazali — nie akupajucca. Akramia turystaŭ z RF i trochi z Kitaja bolš nichto da ich nie jedzie. Łahična. Servis na nuli, i vakoł markotnaja karcina».

Aŭtar taksama krytykuje darohi i vulicy stalicy Biełarusi, jakija «dalokija ad daskanałaści i patrabujuć ramontu, jak i tratuary, šmat čaho razburana».

Niezadavolenaść ruskaha turysta vyklikała i toje, što ŭ mietro abjavy prypynkaŭ robiacca na biełaruskaj i anhlijskaj movach. «Braty nazyvajecca! Davodzicca pastajanna krucić hałavoj, kab nie prajechać mima».

Paźniej, adkazvajučy na kamientary da svajho dopisu, mužčyna raskazaŭ pra adnosiny biełarusaŭ da rasijan:

«Kali daviedvalisia, što my z Rasii, to pry apłacie čeka ŭ punkcie charčavańnia prasili pakinuć na čaj. (…) Inšyja prosta hladzieli z dakoram typu «čaho prypiorlisia». Adna žančyna, pradavačka ŭ kramie suvieniraŭ, pačała vykazvacca, navošta vy raźviazali vajnu, siadzicie ŭ svajoj Rasii i niama čaho vam vajavać ź inšymi. (…) Nas vietliviej da SVA sustrakali na Ukrainie, čym sustreli ŭ RB».

Jak adznačaje aŭtar, «uražańnie ad dvuch haradoŭ raźviejała mif pra toje, što ŭ RB vaŭ!».

«My vyrašyli nie jechać dalej, a navastryli łyžy nazad u RF. (…) Druhi raz tudy nie pajedziem, za hetyja hrošy ź lepšymi vidami i ŭzroŭniem servisu možna pravieści čas u Maskvie».

Kamientary80

  • Niefih šastać
    08.10.2024
    vielmi pravilnaje rašeńnie, małojcy, vastrycie łyžy padalej.
  • Byŭšaja babarykanka
    08.10.2024
    Usie tak i jość, akramia śmiećcia za vuhłami. Chacia ŭ Viciebsku jašče pavieru - blizkaść rasiei, rasiejskija turysty i zasrali ž. Naohuł, z raškaj ŭ płanie bruda kankuryravać moža tolki Indyja.
  • Instruktar
    08.10.2024
    Chamadan, Vakzal, raseja!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Usie naviny →
Usie naviny

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

Biełaruskaja handbalistka budzie hulać za zbornuju Rumynii

Dla biełaruskaha fiestyvalu vyrabili trochmietrovy chot-doh FOTAFAKT9

bolš čytanych navin
bolš łajkanych navin

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić