Były biełaruski śpiecnazaviec sprabavaŭ uzarvać uładalnika bara ŭ Maskvie
Učora ŭ Maskvie padarvali aŭto biznesmiena Viktara Mišačova. Jamu častkova adarvała ruku. U padryvie mašyny padazrajuć 51-hadovaha Vitala Słabadzianika ź Biełarusi, jaki byŭ biznes-partnioram paciarpiełaha. Jaho zatrymali, paviedamlaje telehram-kanał «Apieratyŭnyja zvodki».
Paviedamlajecca, što ŭ jaho kanfiskavana 7 adzinak zbroi, 20 upakovak patronaŭ. Zbroja aficyjna zarehistravana. Navykam abychodžańnia sa zbrojaj, taktycy viadzieńnia boju jon byŭ navučany padčas prachodžańnia terminovaj słužby ŭ śpiecnazie Biełarusi.
U momant praviadzieńnia śledčych dziejańniaŭ u kvatery Słabadzianik pavodziŭ siabie spakojna, da prychodu apieratyŭnikaŭ byŭ hatovy (pačyściŭ pierapisku ŭ telehram). Zatrymany vałodaje dolami ŭ masie piciejnych ustanoŭ, u tym liku ŭ barach «Hadki Kajot» i Dirty dance bar. Hetymi ž barami vałodaje i Mišačoŭ.
Vybuch na paŭdniovym zachadzie Maskvy, na vulicy Prafsajuznaja, adbyŭsia ŭčora ranicaj kala 8:00. Samarobnaje vybuchovaje prystasavańnie spracavała, kali 44-hadovy pradprymalnik Viktar Mišačoŭ sprabavaŭ prybrać bombu z kapota svajoj mašyny. Pry vybuchu byŭ paškodžany aŭtamabil, ranieńni atrymali try čałavieki, u tym liku 6-hadovy syn biznesmiena. Mišačovu častkova adarvała ruku. Paciarpiełych špitalizavali.
Kamientary