Jašče adzin značny biznesoviec atrymaŭ 5 hadoŭ turmy za danaty salidarnaści
Siarhiej Junčyc mieŭ biznes u miedycynskaj śfiery. Jaho aryštavali za achviaravańni na hramadskija patreby.
Siarhieju Junčycu 50 hadoŭ. Jon naradziŭsia ŭ nievialikaj vioscy Padvoście Žytkavickaha rajona.
Mužčyna z 90-ch zajmaŭsia biznesam.
Pra datu jaho zatrymańnia ničoha nieviadoma, jak i pra sutnaść abvinavačańniaŭ.
Siarhieja sudzili ŭ Minskim abłasnym sudzie. Jamu zakidali try artykuły: «finansavańnie ekstremisckaj dziejnaści» (č. 1 i č. 2 art. 361-2 KK), «sadziejničańnie ekstremisckaj dziejnaści» (č. 1 i č. 2 art. 361-4 KK) i «finansavańnie ekstremisckaha farmiravańnia» (art. 361-2, straciŭ siłu ŭ mai 2021 hoda). My pakul nie viedajem, pa jakich ź ich jaho pryznali vinavatym, ale viadoma, što jon atrymaŭ 5 hadoŭ źniavoleńnia.
Viała praces Alena Kurhanava. Z 2023 hoda jana asudziła pa palityčnych kryminalnych spravach nie mienš za 13 čałaviek.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka, miarkujučy pa infarmacyi z učastkaŭ, dzie padlik hałasoŭ išoŭ u prysutnaści niezaležnych naziralnikaŭ, prajhraŭ Śviatłanie Cichanoŭskaj, ale nie addaŭ ułady.
Pa infarmacyi pravaabaroncaŭ, za 2020—2024 hady było zaviedziena bolš za 19 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Pa mnohich kryminalnych spravach prachodziać šmatlikija fihuranty.
Zhodna z infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆU Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary