Biełaruskaja siamja kupiła tur na Maldyvy pa canie kvatery ŭ Minsku. I heta bieź pieralotu
Siamja vyrašyła sustreć Novy hod na papularnym kurorcie. Atrymałasia vielmi doraha.
Historyjaj pra darahi navahodni tur padzialiŭsia dyrektar adnaho ź minskich turahienctvaŭ. U sacsietkach jon raskazaŭ padrabiaznaści ździełki.
Siamja z čatyroch čałaviek zabraniravała tur na Maldyvy na 13 načej u piacizorkavym hateli Emerald Maldives Resort & Spa pavodle sistemy «ŭsio ŭklučana», piša Onliner.
U składzie hrupy — troje darosłych i dzicia. Zadavalnieńnie abyšłosia ŭ 143 157,03 rubla ci 42 354,15 dalara pa kursie. U košt zakładzienyja turystyčnyja zbory, tranśfier na hidrasamalocie, navahodniaja i kaladnaja viačery. Pry hetym u košt nie ŭklučany pieralot: kvitki ŭ biznes-kłas siamja zamoviła sabie asobna.
«Biezumoŭna, darahija ździełki ŭ našym ahienctvie isnujuć, i heta nie miaža pa koštu. Dla hatelaŭ takoha ŭzroŭniu padobnyja košt i cenaŭtvareńnie — norma. Tym bolš nie zabyvajemsia, što heta za čatyroch čałaviek. Heta viła «femili» z dvuma asobnymi pakojami i sanvuzłami z pramym vychadam da akijana. Hatel vielmi vysokaha ŭzroŭniu. Ale, kali hladzieć niepasredna pad zapyt (13 načej na Novy hod), vy pierakanajeciesia, što na mnohija hateli taki košt», — raskazaŭ dyrektar turahienctva.
Tur atrymaŭsia nastolki darahim pa niekalkich pryčynach. Pa-pieršaje, navahodnija śviaty — heta pikavy siezon dla turyzmu, što aŭtamatyčna pavialičvaje ceny na pražyvańnie. Pa-druhoje, biełarusy vybrali viłu z basiejnam — heta adna z samych darahich katehoryj numaroŭ na kurorcie.
Zrabiła tur tolki daražejšym i sistema «ŭsio ŭklučana», jakaja praduhledžvaje nieabmiežavanaje charčavańnie i napoi. Akramia taho, istotna paŭpłyvała na košt i praciahłaść tura — 13 načej.
«Usie dzivilisia, jak my znajšli takija ceny». Dziasiatki biełarusaŭ kupili tannyja tury, ale da mora nie dajechali
«Dva tydni na Maldyvach daražejšyja, čym paŭtara miesiaca ŭ Aŭstralii». Biełaruski raskazali pra svaje ekzatyčnyja padarožžy i vydatki na ich
Stała viadoma, kolki biełarusaŭ adpačyli letaś na Maldyvach
Jak samastojna spłanavać avijapadarožža i nie prahadać? Biełarusy padzialilisia łajfchakami
«Fanfary, dziaržava dla naroda». Užo niekalki miesiacaŭ u mietro kruciać vystupy Łukašenki13
Kamientary