Biełarus pracavaŭ u Afrycy i kupiŭ sabie babuina

Ale adzin z najbolš ahresiŭnych pradstaŭnikoŭ małpaŭ, jaki ŭ składzie zhrai zdolny dać adpor navat leapardu, moža być ščyra pryviazanym da čałavieka. Jak heta adbyłosia, Onliner.by daviedaŭsia ŭ Siarhieja.

Znajomstva z babuinam

— Raniej u mianie byŭ čysta hastranamičny intares da žyvioł: husienicy šaŭkaprada, palityja limonnym sokam, plus butelečka piva — heta dla miascovych afrykancaŭ najvyšejšy kulinarny zdabytak. Prostaja kuryca ŭžo za ščaście. Tamu historyja majoj siabroŭstva z babuinam dla mianie stała sapraŭdnaj niečakanaściu.

Hety prymat, kali jaho vychoŭvajuć u čałaviečaj siamji, padobny na dziciaci va ŭzroście 2-3 hadoŭ i abaraniaje svaich «rodnych» da apošniaha ŭzdychu. U jaho jość abličča, śviadomaść, asacyjatyŭny šerah — jak, naprykład, u sabaki.

Mnie daviałosia pracavać u Afrycy: nas było 12 biełych, astatnija — miascovyja. Jany trymali ŭ hruzavikach zusim maleńkich małpačak — skažu prosta: dla ježy. Tamu los žyvioł pieršapačatkova byŭ niezajzdrosny.

Adnojčy miascovyja pryvieźli maleńkaha babuina — pamieram z sabačku. My jaho padkormlivali, pryvykli i tak pryviazalisia, što vyrašyli zabrać sabie, zrabić «syna pałka». Pryjšli da afrykancaŭ tarhavacca. Babuin lažyć na dachu hruzavika i, zdajecca, razumieje, što jamu ŭ hetym žyćci ničoha nie śviecić. Uvieś jaho los zaležyŭ ad hetych pieramoŭ.

Pavialičyć

Starhavalisia na dva paki vady, heta značyć 16 paŭtaralitrovych butelek, i €5. Dla toj krainy heta suma! Spačatku prasili ŭ 10 razoŭ bolš. U vyniku kupili babuina. Jon radavaŭsia jak dzicia.

Prazvali my jaho Karła. Adnačasova ŭładkavali ŭsio jak treba: zrabili navies dla praktykavańniaŭ, nakryli jaho bambukam, ukrucili łancuh (taŭščynioj bolšy, čym dla kałodzieža), jaki naš hadavaniec pastajanna rvaŭ: siła nievierahodnaja.

Pastupova naš pracoŭny kalektyŭ pieratvaryŭsia ŭ jaho zhraju, a terytoryju jon paznačyŭ jak svaju.

Karła i sam adčuvaŭ siabie nieadjemnaj častkaj zhrai i navat vyznačyŭ siarod ludziej «alfa-samca».

Dolce vita dla Karła

— Zvyčajnuju bočku z vadoj naš novy siabar vykarystoŭvaŭ jak svajho rodu džakuzi. Sorak hradusaŭ u cieni, a Karła lažyć u bočcy, jak haspadar žyćcia.

Byvała, z ranicy, kali pješ kavu, čuješ visk i kryki — heta babuin honić sabak, inšych małpaŭ, koz i ŭsiakuju inšuju žyviołu. Paźniej my zbudavali jamu šost daŭžynioj mietraŭ piać.

Babuin załaziŭ na jaho, jak na ahladnuju vyšku, siadzieŭ i naziraŭ, što adbyvajecca, kantralavaŭ pierymietr.

Kali pačynałasia navalnica — a ŭ Afrycy heta sapraŭdy strašnaje vidovišča, — Karła złaziŭ z šasta i chavaŭsia ŭ samym addalenym kutku domika, jaki my jamu pabudavali.

Adnojčy naš babuin skiravaŭsia na rynak, dzie handlavali miascovyja. Jaho viedali jak «babuina biełych» — jeści jaho nielha, ale pahaniać možna.

Babuiny vielmi sprytnyja, jak u filmie «Maska», tak što złavić ich niaprosta. Jon tam naładziŭ sapraŭdny biesparadak. Handlary prychodziać i kažuć: «Zabiarycie svaju žyviołu». A my takija: «My i radyja b, ale jon nie idzie».

U vyniku paśla «pieramovaŭ» babuin usio ž taki viarnuŭsia. Jaho navat pakaralna pryviazali na łancuh, kab usie miascovyja bačyli: źviaruha pad nahladam.

Na volu

— Na žal, chutka my źjechali z hetaj miascovaści, i dla Karła pierajezd staŭ psichałahičnaj traŭmaj. Nieznajomaje miesca, nieznajomyja ludzi, nie ŭsie ź ich byli dobryja da našaha hadavanca. Babuin uciakaŭ, viartaŭsia, pastajanna šukaŭ kaho-niebudź z tych 12 čałaviek svajoj «zhrai». Žudasna niervavaŭsia.

Ale praca jość praca, i nieŭzabavie «zhraju» raskidała pa roznych kutkach krainy. Stała zrazumieła: pryjšoŭ čas vypuścić Karła na volu.

Pavialičyć

Jaho advieźli kiłamietraŭ na 50 ad bazy, ale paźniej afrykancy skazali, što jon viarnuŭsia da taho miesca, dzie jaho pryručyli, a heta było kiłamietraŭ 700 adtul.

Tam jon i znajšoŭ novuju siamju, novuju «zhraju». Adnym słovam, pryviazanaść babuina da čałavieka biaźmiežnaja.

Jon nie padarunak u dzikaj pryrodzie i ŭ zhrai, ale kali jaho pryručyć, prajavić ciarpieńnie i łasku, bolš addanaha stvareńnia nie znojdzieš.

• 16
• 1
• 2
• 1
• 0
• 4
• 0
• 1