Sandu zajaviła ab biesprecedentnych falsifikacyjach i paabiacała zrabić vysnovy
Prezident Małdovy Maja Sandu ličyć, što na vybarach i refierendumie ŭ Małdovie nie było sumlennaha palityčnaha pracesu. Pra heta jana zajaviła ŭ vystupleńni ŭ svaim pieradvybarnym štabie, paviedamlaje «Jeŭrapiejskaja praŭda».
Sandu śćviardžaje, što ŭłada maje dokazy maštabnaj pakupki hałasoŭ.
«My majem vyraznyja dokazy taho, što hetyja złačynnyja hrupy stavili za metu kupić 300 000 hałasoŭ», — zajaviła jana, nazvaŭšy heta «machlarstvam biesprecedentnaha maštabu».
Adkazvać na ŭdakładniajučyja pytańni jana admoviłasia, ale paabiacała viarnucca z rašeńniami.
U svajoj pramovie Maja Sandu padkreśliła, što «biesprecedentny napad na svabodu i demakratyju» praciahvaŭsia niekalki miesiacaŭ, a taksama, što za hetym stajać złačynnyja hrupoŭki i zamiežnyja siły, jakija «atakavali krainu dziasiatkami miljonaŭ jeŭra, chłuśnioj i prapahandaj».
Raniej ułady Małdovy nieadnarazova zajaŭlali ab sprobach «uzłomu vybaraŭ» z boku hrupy Iłana Šora, asudžanaha ŭ Małdovie za kradziež miljarda jeŭra z troch bankaŭ, a taksama ŭładaŭ Rasii, dzie zaraz chavajecca Šor.
Pavodle danych CVK, pa vynikach padliku 98% hałasoŭ, žychary Małdovy prahałasavali suprać jeŭrapiejskaha vybaru — 49,9% za, 50,1% — suprać.
Taksama papiaredni padlik hałasoŭ śviedčyć, što Małdova idzie na druhi tur vybaraŭ prezidenta, dzie Sandu budzie supraćstajać prarasijski Alaksandr Stajanohła.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
Rabicie vysnovy