Apazicyja prapanuje hałasavać suprać usich, ale dapuskaje źmienu taktyki bližej da vybaraŭ
Demakratyčnyja siły Biełarusi vystupili z supolnaj zajavaju da vybaraŭ 2025 hoda. Pryvodzim tekst.
«U 2025 hodzie adbuducca tak zvanyja prezidenckija vybary ŭ Biełarusi, a na samoj spravie — biazvybary, tamu što prava vybaru ŭ ludziej skradzienaje.
Elektaralnaja kampanija pravodzicca ŭ situacyi hłybokaha palityčnaha kryzisu ŭ Respublicy Biełaruś. Alaksandr Łukašenka niezakonna ŭtrymlivaje ŭładu šlacham represijaŭ suprać biełaruskaha hramadstva, abapirajučysia na padtrymku Kramla.
My patrabujem:
- spynieńnia ŭsich vidaŭ represijaŭ;
- vyzvaleńnia ŭsich palitźniavolenych;
- realizacyi prava ŭsich hramadzianaŭ Biełarusi na paŭnavartasny ŭdzieł u vybarach niezaležna ad miesca žycharstva;
- zabieśpiačeńnia svabody schodaŭ i roŭnaha dostupu da srodkaŭ masavaj infarmacyi;
- praviadzieńnia vybaraŭ u adpaviednaści ź mižnarodnymi standartami ABSIE i pad kantrolem naziralnikaŭ.
Kali hetyja patrabavańni nie buduć vykananyja režymam, my ličym toje, što adbudziecca ŭ 2025 hodzie, imitacyjaj vybarčaha pracesu i prapanujem vykazać svoj pratest šlacham hałasavańnia suprać usich, chto kradzie našaje prava hołasu. My taksama prapracoŭvajem i prapanujem inšyja varyjanty, jak vykazać pratest u zaležnaści ad raźvićcia situacyi.
Takim čynam my pakažam, što biełaruskaje hramadstva dahetul vystupaje suprać Łukašenki i patrabuje svabodnych i spraviadlivych vybaraŭ», — havorycca ŭ ahulnaj zajavie demakratyčnych siłaŭ Biełarusi, padpisanaj Śviatłanaj Cichanoŭskaj, Abjadnanym Pierachodnym Kabinietam, Kaardynacyjnaj radaj.
Siońnia Pałata pradstaŭnikoŭ nazvała datu prezidenckich vybaraŭ — 26 studzienia 2025 hoda. Heta až na paŭhoda raniej za mahčymy termin.
Apytanka
«Čarhovaja sproba pierapryznačyć samoha siabie na ŭzurpavanuju pasadu». Łatuška prakamientavaŭ datu prezidenckich vybaraŭ
Kolki času zastałosia ŭ kandydataŭ u prezidenty, kab vyłučycca na vybary
Nazvana data prezidenckich vybaraŭ: až na paŭhoda raniej za mahčymy termin
Hajdukievič zajaviŭ, što jaho partyja budzie ŭdzielničać u prezidenckich vybarach
Ci byŭ u Kanapackaj niamiecki DNŽ, jaki pieraškadžaje joj stać kandydatkaj-spojleram?
«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA2
Kamientary
A pratest vykazvać dvumia kryžami ci adnym, i pendźlikam treba cisnuć rašuča na ŭsiu moc ci aściarožna, kab nichto nie pabačyŭ zališniaha impetu?
Abjadnany Pierachodny Kabiniet,
Kaardynacyjnaja rada - źbirajucca iści na łukašenkiny "vybary" i hałasavać "suprać usich".