«Maja kamanda rychtavałasia da prezidenckaj honki». Čeračań škaduje, što nie zmoža stać kandydatam u 2025 hodzie
Eks-kandydat u prezidenty ŭ 2020 hodzie, biznesmien Siarhiej Čeračań źbiraŭsia i ŭ 2025 hodzie prymać udzieł u prezidenckaj honcy, ale nie zmoža z-za novaha ŭzrostavaha cenzu.
Pavodle słoŭ Čeračnia, dla jaho i jaho kamandy pryznačanaja data vybaraŭ stałasia niečakanaściu i rasčaravańniem, piša «Sputnik».
«Ja źbiraŭsia prymać udzieł i ŭ hetych prezidenckich vybarach, maja kamanda rychtavałasia da prezidenckaj honki. Ale, na žal, praz toje, što vybary pryznačany na 26 studzienia 2025 hoda, ja nie zmahu pryniać u ich udzieł. Mnie nie spoŭnicca jašče 40» hadoŭ», — raspavioŭ Siarhiej Čeračań.
«Mnie 40 hadoŭ spoŭnicca 8 maja. My raźličvali, što vybary naznačać na leta 2025 hoda», — skazaŭ jon.
Pry hetym Čeračań paviedamiŭ, što ŭ abaviazkovym paradku budzie prymać udzieł u prezidenckich vybarach u 2030 hodzie.
«Da vybaraŭ 2025 hoda ja pačaŭ rychtavacca adrazu paśla prezidenckaj kampanii 2020 hoda. U 2030 hodzie my abaviazkova budziem udzielničać u baraćbie za pasadu prezidenta», — skazaŭ jon.
Čeračań taksama paviedamiŭ, što nie budzie ni z kim z kandydataŭ u prezidenty ŭ 2025 hodzie dzialicca hałasami svaich prychilnikaŭ.
Na vybarach 2020 hoda Siarhiej Čeračań, pavodle źviestak CVK, nabraŭ 1,14%. U Hanny Kanapackaj, pavodle aficyjnych źviestak, było 1,68%, u Andreja Dźmitryjeva — 1,21%. Śviatłanie Cichanoŭskaj CVK tady napisała 10,14%, choć, pavodle vynikaŭ płatformy «Hołas» i niezaležnych ekzit-połaŭ, taja pieramahła. Falsifikacyja vynikaŭ vybaraŭ vyklikała masavyja pratesty ŭ krainie.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku13
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary