70-hadovaha byłoha palitviaźnia buduć sudzić za «raspaŭsiud ekstremizmu»
Alaksandr Patapaŭ ź vioscy Chatola Viciebskaj vobłaści byŭ zatrymany naprykancy žniŭnia 2022 hoda ŭ miežach kryminalnaj spravy za abrazu Łukašenki ŭ kamientarach u «Adnakłaśnikach».
Mužčyna pachodzić z Ukrainy. Padčas rakietnaha abstrełu Kijeva zahinuła plamieńnica Alaksandra, a jejnaja trochhadovaja dačka była surjozna paranienaja. Paśla hetaha, znachodziačysia pad upłyvam emocyj, 8 i 16 lipienia 2022 hoda Patapaŭ raźmiaściŭ u sacyjalnaj sietcy dva kamientary, jakija ekśpiertyza paličyła «abraźlivymi». Paźniej mužčynu asudzili da 2 hadoŭ kałonii.
Piensijanier vyzvaliŭsia hetaj viasnoj, całkam adbyŭšy termin.
Zaŭtra Patapava buduć sudzić u sudzie Viciebskaha rajona. Ciapier mužčynu abvinavačvajuć u «raspaŭsiudzie ekstremisckich materyjałaŭ» (č. 2 art. 19.11 KaAP). Sudzić budzie Michaił Zubienia, piša «Viciebsk, ja hulaju».
Kamientary