Hramadstva11

«Byli tyja, chto pryjechaŭ a 6-j ranicy». Minčuki vystrailisia ŭ vializnuju čarhu, kab nabyć kvitki ŭ teatr

U redakcyju «Anłajniera» napisała čytačka Volha i raskazała, što siońnia jaje muž pajechaŭ pa kvitki na śpiektakl u lalečny teatr. Chacieli kupić kvitki na «Pansijon Belvedere», ale jak alternatyvu razhladali pastanoŭku «Zapiski junaha doktara». Ale akazałasia, što kupić kvitki nie tak prosta: u 09:30 ranicy pierad mužčynam užo była vielizarnaja čarha.

Fota z sacsietak

«Prodaž kvitkoŭ na darosłyja śpiektakli na nastupny miesiac pačynajecca pieršaha čysła biahučaha: heta značyć, siońnia startujuć prodažy kvitkoŭ na śniežań, — raskazvaje čytačka. — Z 10:00 pačynajecca prodaž kvitkoŭ u kasie, z 14:00 — anłajn.

Muž pajechaŭ u teatr, byŭ na miescy ŭ 09:30. Prosta žachnuŭsia ad kolkaści ludziej u čarzie. Pa jahonych słovach, byli tyja, chto pryjechaŭ a 6-j ranicy!»

Pieršaje fota zroblena ŭ 09:30, druhoje — u 11:34, treciaje — u 13:11

Volha raskazała, što jana ŭžo była na śpiektakli «Pansijon Belvedere», a hety pachod u teatr płanavaŭsia ŭ jakaści padarunka. Ale, patraciŭšy niekalki hadzin u čakańni, muž čytački vyrašyŭ pajechać biez zapavietnych kvitkoŭ.

U siecivie pišuć roznyja kamientary. Naprykład, adna z hladačak napisała, što stajać u takoj čarzie navat pryjemna. Usiaho dziaŭčynie daviałosia patracić čatyry hadziny, ale kvitki kupić atrymałasia.

Było zajaŭlena, što nabyć ich možna i na sajcie teatra: prodažy startavali ŭ 14:00. Ale ŭžo ŭ 14:08 sajt teatra «loh».

Što kažuć u teatry?

U Biełaruskim dziaržaŭnym teatry lalek rastłumačyli, što ałharytm prodažu kvitkoŭ na śniežań byŭ apublikavany na sajcie teatra dva tydni tamu. Sapraŭdy, kvitki pačali pradavać pieršaha čysła spačatku ŭ kasach (z 10:00), a ŭ 14:00 startavali i anłajn-prodažy.

Zapuścić takuju sistemu vyrašyli z-za pavyšanaha popytu na darosłyja śpiektakli: raniej kvitki pradavali adrazu i anłajn, i afłajn. Kali pradavać kvitki tolki anłajn, to mohuć być składanaści ŭ hledačoŭ, jakija pa roznych pryčynach nie mohuć kupić kvitki praź internet. Prodaž tolki praz kasy — heta abmiežavańnie dla tych, chto žyvie nie ŭ Minsku, dadajuć u teatry.

«Kankretna ŭ śniežni ŭ nas zapłanavany ceły tydzień premjernaha pakazu śpiektakla Jaŭhiena Karniahi «Mroiva», a taksama navahodnija ranišniki z 25 śniežnia da 7 studzienia. Za košt hetaha skaraciłasia kolkaść pakazaŭ viačernich śpiektaklaŭ: «Pansijona Belvedere» (adzin raz), «Zapisak junaha doktara» (adzin raz) i «Na čornaj-čornaj vulicy» (dva razy). U studzieni pakazaŭ budzie bolš».

U teatry paćvierdzili, što pa kvitki ludzi stali prychodzić siońnia z samaj ranicy. Raściahnułasia čarha prykładna da stancyi mietro «Kupałaŭskaja».

A ciapier ujavicie, što zała, dzie prachodziać śpiektakli, mieścić 236 čałaviek. Naŭskidku ludziej u čarzie było značna bolš, adznačyli ŭ teatry.

«Bolšaja častka hledačoŭ nabyła kvitki ŭ kasie teatra. Rańnich prodažaŭ nie było: kasa pačała pracu roŭna ŭ 10:00. My pastaralisia pajści nasustrač ludziam: puskali ŭ sanvuzieł i ŭ kaviarniu, paźniej zaviali ŭsich u pamiaškańnie, kab było nie choładna i kamfortna, — tłumačać u teatry. — U 14:00 byŭ abnoŭleny sajt, ale technična jon nie vytrymaŭ płyń achvotnych. My źviazalisia z prahramistami, zrabili abnaŭleńnie, i ciapier ludzi, jakija stajać u čarzie, paralelna kuplajuć kvitki i anłajn».

Darečy, hladacki ažyjataž u teatry nazirajuć apošnija piać miesiacaŭ, choć toj ža «Pansijon Belvedere» idzie ŭžo vośmy hod, a «Zapiski junaha doktara» — treci. Pakazy arhanizavanyja kožny miesiac, padkreślivajuć u teatry.

Što rabić tym, chto nie hatovy stajać u čerhach?

Časam kvitki zdajuć, tamu jość sens pieryjadyčna praviarać sajt teatra.

«Taksama my abmiarkoŭvajem mahčymaść z nastupnaha miesiaca ŭvieści abmiežavańnie na kolkaść kvitkoŭ, jakija pradajem adnamu hledaču. Kali niekalki čałaviek zabirajuć pa 10-15 kvitkoŭ, a zała, nahadajem, raźličanaja na 236 miescaŭ, to kamuści ich moža nie dastacca, — dapoŭnili ŭ teatry. — My lubim našaha hledača i dziakujem za imknieńnie naviedać naš teatr».

Kamientary1

  • Alhierd
    01.11.2024
    Teatralnaja partyzanka ŭ časy teroru. Razumieju! Kab pieraklučyć uvahu i nie ašaleć zusim.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Bolš nijakich ružovych kaściumaŭ. Styl Natalli Piatkievič źmianiŭsia kardynalna17

Bolš nijakich ružovych kaściumaŭ. Styl Natalli Piatkievič źmianiŭsia kardynalna

Usie naviny →
Usie naviny

Na biełaruskim aŭkcyjonie chočuć pradać stary płašč za 30 tysiač rubloŭ2

Šrajbman apisvaje varyjanty, jak pry Trampie moža skončycca vajna va Ukrainie8

CHAMAS zamiest zahinułaj zakładnicy pieradaŭ Izrailu cieła inšaj žančyny

U Homieli daŭžnika šukali čatyry miesiacy. A jon uvieś hety čas u hrymie i na vazku prasiŭ miłaścinu pa zadańni

U Biełarusi pačnuć vypuskać suchija vinahradnyja viny sa svajoj syraviny

Ci moža Mask adklučyć ukraincam Starlink? 8

Top artystaŭ novaj chvali, jakija robiać pieśni pa-biełarusku11

Mark Formelle prapanavaŭ dyzajn novych cišotak «Biełarusy havorać»7

Nacbank pastrožyŭ patrabavańni da bankaŭskich kartak

bolš čytanych navin
bolš łajkanych navin

Bolš nijakich ružovych kaściumaŭ. Styl Natalli Piatkievič źmianiŭsia kardynalna17

Bolš nijakich ružovych kaściumaŭ. Styl Natalli Piatkievič źmianiŭsia kardynalna

Hałoŭnaje
Usie naviny →

Zaŭvaha:

 

 

 

 

Zakryć Paviedamić