Polskija ŭłady chočuć realizavać novuju ideju, jakaja tyčycca adukacyi. U adnym navučalnym hodzie ŭ adnoj i toj ža VNU inšaziemcaŭ pavinna być nie bolš za 50% ad ahulnaj kolkaści studentaŭ. Pra heta piša vydańnie Dziennik Gazeta Prawna, zaŭvažyŭ telehram-kanał Dzik Pic.
Ministerstva zamiežnych spraŭ pahadziłasia ŭklučyć u prajekt zakona «Ab uniasieńni źmienaŭ u niekatoryja zakony z metaj likvidacyi parušeńniaŭ u vizavym režymie Respubliki Polšča» pałažeńni, prapanavanyja ministram navuki i vyšejšaj adukacyi Daryjušam Viačorkam.
Vydańnie śćviardžaje, što heta vynik vizavaha skandału.
«Usie prafiesijnyja ŭniviersitety buduć abaviazanyja atrymać dazvoł MUS na pryjom zamiežnikaŭ dla pačatku ci praciahu navučańnia».
Jak tłumačać u polskim ministerstvie navuki, heta źviazana z tym, što «ŭ prafiesijnych VNU bolš inšaziemcaŭ vyklučajuć ź liku studentaŭ paśla pieršaha hoda navučańnia, čym u akademičnych».
Akramia taho, kali kolkaść zamiežnych studentaŭ u adukacyjnaj ustanovie pieravysić 50% ad ahulnaj kolkaści, to takija ŭniviersitety nie zmohuć prymać inšaziemcaŭ na navučańnie da taho času, pakul praporcyi nie źmieniacca, śćviardžaje Dziennik Gazeta Prawna.
U 2023/2024 navučalnym hodzie ŭ 13 univiersitetach zamiežnych studentaŭ było bolš, čym hramadzian Polščy. Zhodna z prapanavanymi źmienami, rektary pavinny buduć rehularna ŭnosić źviestki pra zamiežnikaŭ u sistemu POL-on. Jany buduć uklučać, siarod inšaha: źviestki pra datu ŭniasieńnia ŭ śpis studentaŭ abo daktarantaŭ i datu vyklučeńnia z hetaha śpisu.
Akramia taho, orhan, jaki vydaŭ studenckuju vizu, pavinien budzie piśmova paviedamić pra heta rektaru VNU. Pakul heta prajekt, jaki znachodzicca na etapie mierkavańniaŭ. Da padačy prajekta ŭ Siejm u jaho jašče mohuć być uniesienyja źmieny.
«Paraili da śniežnia zdać CT u Biełarusi, inakš adličać». Biełarusy, jakija pastupili ŭ polskija VNU, nie mohuć vučycca
Tusk choča pastrožyć mihracyjnuju palityku ŭ Polščy, ale aktyŭna pryciahvać pracoŭnyja resursy
Biełarusy, jakija sioleta pastupili ŭ Jahiełonski ŭniviersitet u Krakavie, studentami mohuć i nie stać
Praz zakanadaŭčuju pastku biełaruskija abituryjenty ŭ Polščy ryzykujuć zastacca bieź miescaŭ u VNU
Kamientary