«My — nadziejny tył». Kandydat-spojler Čamadanava źniałasia z vybaraŭ
Hałoŭny ideołah Minska, pałkoŭnik milicyi Volha Čamadanava 12 listapada źniałasia z vybaraŭ.
Čamadanava skazała, što zdymaje kandydaturu, bo Łukašenka — lepšy za jaje i taki zapyt hramadstva. Čamadanava raspaviała, što jana z Sajuzam žančyn, jaki vyłučaŭ jaje kandydaturu, pačuli zapyt hramadstva «na kansalidacyju vakoł našaha prezidenta».
«My razumiejem cudoŭna, što nichto akramia našaha prezidenta Alaksandra Ryhoraviča Łukašenki siońnia nie zmoža zabiaśpiečyć tuju biaśpieku, u jakoj my znachodzimsia; biaśpieka našaj krainy ŭ pieršuju čarhu i, viadoma ž, takoje pastupalnaje raźvićcio našaj dziaržavy», — patłumačyła jana.
Čamadanava nie chavaje, što źjaŭlałasia spojleram na vybarach.
«My — kamanda našaha prezidenta. My byli i zastajemsia hetaj kamandaj. I samaje hałoŭnaje — my nadziejny tył, u čym možna nie sumniavacca. U suviazi z hetym ja pryniała rašeńnie nie ŭdzielničać u dalejšaj elektaralnaj kampanii», — dadała Čamadanava.
Raniej siońnia stała viadoma, što staršynia Respublikanskaha savieta Biełaruskaha sajuza aficeraŭ Siarhiej Bobrykaŭ zajaviŭ ab rašeńni spynić svoj udzieł u kampanii pa vybarach prezidenta. Jon patłumačyŭ heta tym, što inšyja aficery paprasili jaho zrabić heta, kab nie dapuścić dvaistych dumak: hałasavać za Łukašenku ci za Bobrykava.
-
Minski ipešnik, jaki pisaŭ ananimki na kankurentaŭ, akazaŭsia dyrektaram turfirmy, jakaja niadaŭna nie daviezła turystaŭ u Ryhu
-
Homielski sienatar chacieŭ pahrecca ŭ pramianiach «Vialikaj Pieramohi», ale jaŭna pierahnuŭ z samapijaram FOTAFAKT
-
Bresckaha biznesmiena zavočna asudzili da 3 hadoŭ kałonii
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary