Telehram-kanał «Minsk i minčanin» źviarnuŭ uvahu na pakinutaje akno, što znachodzicca nad arkami doma pa praśpiekcie Niezaležnaści, 23 — u samym centry stalicy. Sakret zahadkavaha akna raskryła hazieta «Viačerni Minsk».
Błohier Dzianis Blišč padčas prahułak pa Minsku vyjaviŭ pobač z praśpiektam Niezaležnaści niezvyčajnaje akno, što chavaje niejkaje pamiaškańnie. Pakoj za aknom zdajecca pakinutym, pry hetym akno zaŭsiody było adčyniena. Kab vyśvietlić pryznačeńnie pakoja ci kvatery, krajaznaŭca vyvučaŭ padjezd, ale na biełych dźviarach nie było nijakich apaznavalnych znakaŭ.
Adkaz na tajamnicu dała hazieta «Viačerni Minsk» u numary za 21−27 listapada. Tak, žycharka taho samaha 10-ha padjezda raspaviała, što pamiaškańnie vykarystoŭvałasia dvornikami dla haspadarčych patreb:
− Jano vielmi maleńkaje, u hłybiniu, moža, mietraŭ 4, a płošča ŭsiaho 8−9 kvadratnych mietraŭ. Pamiataju, u im trymali ryštunak, jašče ź levaha boku byŭ umyvalnik, prybiralščyki nabirali vadu. Brudnuju, darečy, nasili vylivać na vulicu. Paśla raspadu SSSR pakoj arandavali pad ofisy. Ciapier jon pustuje. Lepiej by nam, žycharam, u karystańnie addali, možna było b zachoŭvać viełasipiedy, kalaski.
Ciapier pamiaškańnie znachodzicca ŭ padparadkavańni ŽEU №3 Centralnaha rajona.
Kamientary