Va Ukrainie zatrymali mužčynu, jaki pierapraŭlaŭ vajennaabaviazanych u Biełaruś
Va Ukrainie zatrymali žychara horada Słavuciča Kijeŭskaj vobłaści, jaki dapamahaŭ vajennaabaviazanym ukraincam pakidać krainu praź miažu ź Biełaruśsiu, paviedamlaje Nacyjanalnaja palicyja Ukrainy.
Pavodle danych śledstva, 37-hadovy mužčyna spryjaŭ uchileńniu ad mabilizacyi, raźmiaščajučy ŭ internecie abjavy ab akazańni adpaviednych pasłuh. Adznačajecca, što za hrašovuju ŭznaharodu jon «raspracoŭvaŭ płan pierasiačeńnia miažy i maršrut ruchu ŭ abychod błokpastoŭ».
Zhodna z hetym płanam, jak zajaŭlajecca, ludzi, jakija chacieli paźbiehnuć vajskovaj słužby, pavinny byli pierapłyvać Dniapro, kab «apynucca pa toj bok miažy». Akramia taho, zatrymany pradavaŭ infarmacyju pra hetyja maršruty praz telehram-kanały, havorycca ŭ paviedamleńni.
Suprać mužčyny zaviali kryminalnuju spravu, jamu pahražaje da dzieviaci hadoŭ pazbaŭleńnia voli.
Kamientary