Biełarusy Krakava zhurtavalisia
Ciažka było ličyć siabie biełarusam i adčuvać, što ty adzin. Navat kali heta staražytny, niepaŭtorna pryhožy Krakaŭ. Kali ŭžo było zusim drenna, ty išła ŭ Jahielonski ŭniversytet da memaryjalnaj doški Skarynu, napampoŭvajučy svaju śviadomaść cichim honaram, što daść tabie siłaŭ trymacca... Potym lichamankava prahladała abjavy - moža, jość kancert biełaruskaha hurtu ci biełaruskaje spatkańnie. I kolki było radaści, kali ładziłasia niejkaja biełaruskaja impreza…
Ciažka było ličyć siabie biełarusam i adčuvać, što ty adzin. Navat kali heta staražytny, niepaŭtorna pryhožy Krakaŭ. Kali ŭžo było zusim drenna, ty išła ŭ Jahielonski ŭniversytet da memaryjalnaj doški Skarynu, napampoŭvajučy svaju śviadomaść cichim honaram, što daść tabie siłaŭ trymacca... Potym lichamankava prahladała abjavy - moža, jość kancert biełaruskaha hurtu ci biełaruskaje spatkańnie. I kolki było radaści, kali ładziłasia niejkaja biełaruskaja impreza…
U apošnija hady sytuacyja źmianiłasia. Intensyfikavałasia dziejnaść biełarusaŭ u Krakavie. Usio bolš kancertaŭ biełaruskaj muzyki, pravodziacca Dni biełaruskaj kultury. U 16-ty dzień miesiaca prachodziać Dni salidarnaści. Na hałoŭnaj płoščy a 20-j hadzinie pa mienskim časie zapalvajucca biełyja i čyrvonyja źničy ŭ znak padtrymki. Narešcie, zarhanizavałasia supołka biełarusaŭ.
"Lublu Biełaruś" - relihijna-kulturnaja hrupa, jakaja jadnaje biełarusaŭ i tych, chto niejak cikavicca jaje kulturaj. Supolnaja malitva pa-biełarusku ŭ kaściole, śpiavańnie "Mahutnaha Boža" i hutarki - ad historyi chryścijanstva na Biełarusi da sučasnaj biełaruskaj kultury i ahulnačałaviečych prablem. Na sustrečy źbirajucca vielmi roznyja ludzi roznaha vieku, roznych zacikaŭleńniaŭ, vieravyznańnia… Ale jadnaje ŭsich taja častačka Biełarusi, jakuju kožny nosić u svaim sercy. I kožnaja sustreča prynosić niazvykłaje pačućcio spoŭnienaści i ščyraj radaści, uzmacniaje vieru i raspalvaje ŭ sercy ahieńčyk nadziei.
U najbližejšych planach - biełaruskamoŭnaja imša, supolnyja vypravy, spatkańnie ź litaratarami, impreza z pakazam biełaruskaha filmu i muzykaj…
Mahčyma, "Lublu Biełaruś" ź ciaham času stanie častkaj padmurku ŭ budaŭnictvie niečaha vialikaha. Pakul na kožnaje spatkańnie prychodzić usio bolš i bolš ludziej, i čakaješ piatnicy jak śviata… Bo ŭ piatnicu pojdzieš na Stolarskuju, 12 - tam čakajuć svaje…
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary