«Скралі тры партсігары, тры курткі». Віцебскі губернатар абвінаваціў прадпрымальнікаў у перабольшванні наступстваў пажару
Старшыня Віцебскага аблвыканкама Аляксандр Субоцін у эфіры тэлеканала АНТ расказаў, каму будзе аказана дапамога ў сувязі з пажарам у віцебскім ГЦ, які адбыўся 13 снежня.
Субоцін заявіў, што «хацеў бы з двух бакоў падысці».
— Першае: хацелася б дапамагчы тым, хто ў гэтым рэальна мае патрэбу.
Бо на бядзе сёй-той пачынае зарабляць. Як у тым у фільме: «скралі тры партсігары, тры курткі». Так яно і тут ужо недзе атрымліваецца, — сказаў ён.
Субоцін сказаў, што гэта прыватны гандлёвы цэнтр. І людзі працавалі па арэндзе.
— І кампенсаваць, і дапамагаць, вядома, у прыярытэце павінен уладальнік гэтага гандлёвага цэнтра. Наша задача — глядзець, каб усё было па справядлівасці і па-чэснаму. Але, тым не менш, мы не умываем рукі. У нас есць некалькі афіцыйных механізмаў, як людзям дапамагаць. Па-першае, недзе нават прымусіць уладальніка прадаставіць арэндныя плошчы. У яго ў Віцебску дзевяць гандлёвых цэнтраў. Звярнуліся ўжо 50 чалавек. Яны будуць адкрываць свае кропкі ў іншых гандлёвых цэнтрах.
Нагадаў Субоцін і пра іншы механізм — праз Белдзяржстрах:
— Ім трэба прадставіць пакет дакументаў. Створаны чат у Viber. Існуе некалькі прамых ліній. На гэты момант звярнулася 31 юрыдычная і фізічная асоба.
Увечары 13 снежня ў ГЦ «Беларусь» адбыўся пажар.
Праз тры дні стала вядома аб затрыманні падазраваных у парушэнні патрабаванняў пажарнай бяспекі ў ГЦ «Беларусь». Сярод затрыманых можа быць Віктар Вялюга, заснавальнік і дырэктар ПГУП «МегаЕўратэкс», у актывы якога ўваходзіць ГЦ.
Адна з магчымых прычын пажару — кароткае замыкання.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча22
Каментары
"— І кампенсаваць, і дапамагаць, вядома, у прыярытэце павінен (!) уладальнік гэтага гандлёвага цэнтра. Наша задача — глядзець, каб усё было па справядлівасці і па-чэснаму. Але, тым не менш, мы не умываем рукі. У нас есць некалькі афіцыйных механізмаў, як людзям дапамагаць. Па-першае, недзе нават прымусіць (!) уладальніка прадаставіць арэндныя плошчы."
уласніка, якога хутчэй за ўсё і зробяць вінаватым у пажары і каб жа хаця не пасадзілі