Na borcie samalota, što raźbiŭsia ŭ ZŠA, było bolš za 15 fihurystaŭ, u tym liku čempijony śvietu Šyškova i Navumaŭ z Rasii
Pavodle ŚMI, fihurysty i treniery lacieli na hetym samalocie z čempijanatu Złučanych Štataŭ.
![](http://nashaniva.com/img/w840d4webp1/photos/z_2025_01/-9b3l5.jpg.webp)
Na borcie samalota, što raźbiŭsia ŭ ZŠA, było bolš za 15 fihurystaŭ. Siarod ich — čempijony śvietu pa fihurnym katańni 1994 hoda, ciapier treniery Jaŭhienija Šyškova i Vadzim Navumaŭ. Taksama, papiarednie, tam byŭ ich 23-hadovy syn Maksim, taksama fihuryst.
Akramia taho, na samalocie lacieli minimum 14 fihurystaŭ, nie ličačy trenieraŭ, pišuć ŚMI. Jany ŭdzielničali ŭ čempijanacie Złučanych Štataŭ — 2025.
Aficyjnaha paćviardžeńnia niama. Fiederacyja fihurnaha katańnia ZŠA paćvierdziła, što na borcie samalota, jaki raźbiŭsia, znachodziłasia «niekalki fihurystaŭ».
Siońnia ŭ Vašynhtonie ŭpaŭ pasažyrski samalot, sutyknuŭšysia z vajskovym viertalotam. Na borcie byli 64 čałavieki.
Kamientary