Zdareńni77

«Siarhiej byŭ niakiepskim chłopcam, ale narkaman». Padrabiaznaści žachlivaj historyi z kvateraj, u jakoj paśla kupli znajšli dva trupy

Dniami stała viadomaja amal detektyŭnaja historyja: minčuk kupiŭ kvateru na druhasnym rynku, a kali pryjšoŭ pa klučy, znajšoŭ u joj dva trupy. Zahinułymi akazalisia były haspadar kvatery Siarhiej i jahony siabra Alaksiej — abodva byli narkamanami i, jak paźniej vyśvietlili ekśpierty, pamierli ad pieradaziroŭki.

Fota: Onliner.by

Onliner.by naviedaŭ dom, dzie zdaryłasia hetaja trahiedyja, pahavaryŭ z susiedziami i siabrami zahinułych.

«Uvieś padjezd ad jaho ciarpieŭ»

Pavodle adnoj ź viersij, pakupnik Dźmitryj sam znajšoŭ Siarhieja i prapanavaŭ jamu ździełku: abmianiać dvuchpakajovuju kvateru ŭ Maskoŭskim rajonie na adnapakajovuju ŭ Kurasoŭščynie z dapłataj.

Ci viedaŭ mužčyna, što kuplaje žyllo ŭ narkamana sa stažam, nieviadoma.

— Uvieś dom viedaŭ, što Siarhiej narkaman. Na leśvičnych placoŭkach i ŭ lifcie čas ad času valalisia šprycy, byli bačny ślady kryvi. Tamu praz asobny ŭvachod na leśvicu nichto nie chadziŭ, tolki kali śviatło vyklučali i lifty nie pracavali. Voś tady było strašna! Pamiataju, idu dadomu ŭ ciemry, a tam na leśvicy pamiž pavierchami Siarhiej ź siabram siadziać na padłozie i niešta mykajuć.

Onliner.by

— Jon, navat kali byŭ pad kajfam, nikoha nie čapaŭ, ale ŭsio roŭna było niepryjemna. Adnaho razu, jašče da kapramontu, u nas staryja lifty byli. Vychadžu z kvatery — i achaju: usie draŭlanyja plintusy ź liftavaj šachty sarvany — heta jaho «siabruki» tak zakładki šukali, — raspaviała adna z susiedak zahinułaha.

Susiedzi pa paviersie dadali, što ŭ pošukach zakładak z narkotykami «hości» Siarhieja pastajanna zryvali plintusy, padymali linoleum, paškodžvali pravady tak, «što navat televizar nie pracavaŭ».

— Uvieś padjezd ad jaho ciarpieŭ! U jaho kvatera była jak pryton: ruch tam išoŭ i dniom, i nočču. Kali tam niechta kryčaŭ abo ŭ dźviery hrukaŭsia, my navat u kalidor bajalisia vyjści, nie toje što ŭ kramu. Čakali, kali ŭsio ścichnie, i tolki potym vychodzili, — uspaminaje susiedka Maryna.

«Za niekalki dzion da śmierci skazaŭ, što jamu kupili adnapakajovuju za $45 tysiač»

Choć Čopik i psavaŭ usim žyćcio, pra jaho adhukajucca ŭ duchu: «vietlivy, havarki, zaŭsiody vitaŭsia».

Za niekalki dzion da taho, jak jaho znajšli miortvym va ŭžo pradadzienaj kvatery, jon, spuskajučysia ŭ lifcie z adnym z susiedziaŭ, pachvaliŭsia, što «pradaŭ kvateru i chutka pierajedzie».

— Kali jechaŭ z maim mužam u tralejbusie, raskazaŭ, što novy haspadar pierajedzie ŭ jaho dvuchpakajovuju, a jon — u adnapakajovuju dzieści kala čyhunki ŭ Kurasoŭščynie, što jamu jaje kupili za 45 tysiač dalaraŭ, — dadaje inšaja susiedka. — Ale jašče kamuści jon kazaŭ, što kvatera zapisanaja nie na jaho, a na inšaha čałavieka. Praŭda heta ci nie, nie viedaju.

Zhodna z paviedamleńniem Dziaržkamiteta sudmiedekśpiertyz, były haspadar kvatery i jaho hość pamierli ad pieradaziroŭki narkotykaŭ, adznačajučy ŭdały prodaž.

Cieły zahinułych vyjavili ŭ adzin z paniadziełkaŭ śniežnia. Susied, jaki žyvie na toj ža placoŭcy, vyjšaŭ pačyścić abutak i sutyknuŭsia ź milicyjaj i novym ułaśnikam kvatery.

— Jon kazaŭ im, što pryjšoŭ pa klučy, zvaniŭ i pisaŭ Siarhieju i Alaksieju, ale nichto nie adkazvaŭ. Uzłamali dźviery — a tam dva cieły! Pach byŭ taki, što my bajalisia niekalki dzion adčyniać dźviery ŭ kalidor, — raspaviała adna z susiedak.

Toj mužčyna, što kupiŭ hetuju kvateru, kazaŭ, što addaŭ pa $1700 za kvadratny mietr, što źbiraŭsia tut žyć z žonkaj i małoj dačkoj…

Ale jak jon moh takuju kvateru za takija hrošy kupić?!

«Loška byŭ futbalistam, a potym staŭ narkamanam»

Druhi zahinuły, Alaksiej, byŭ z susiedniaha doma. Apošnim časam, jak śćviardžajuć jaho znajomyja, jon žyŭ nie z baćkami, a ŭ toj samaj kvatery Čopika.

Onliner.by

— Ja dobra viedaŭ Alaksieja. Narmalny byŭ chłopiec. Raniej hulaŭ u futboł u adnoj kamandzie z maim bratam, ale paśla traŭmy kalena kinuŭ, a potym staŭ narkamanam. Mnie jaho vielmi škada. A Čopik strašny byŭ čałaviek, šmat ludziej u mahiłu zahnaŭ narkotykami, — raspavioŭ jaho znajomy.

Pavodle jaho słoŭ, Alaksiej śćviardžaŭ, što zajmajecca nieruchomaściu i dapamahaje Čopiku pradavać kvateru, byccam atrymaŭšy na heta hienieralnuju davieranaść.

Ahient: «Jakija trupy? Vy mnie zaraz niejkija žachi raspaviadajecie»

Byłaja kvatera Čopika ciapier pradajecca za 75 tysiač dalaraŭ.

Žurnalisty pasprabavali źviazacca z novym ułaśnikam kvatery Dźmitryjem. Jon paćvierdziŭ fakt prodažu, ale paśla taho, jak daviedaŭsia, što jamu piša žurnalist, pierastaŭ adkazvać.

A voś što raspavioŭ ahient, jaki zajmajecca prodažam hetaha abjekta:

— Ja nie viedaŭ, što abjava dublujecca. Mahčyma, jaje nie vydalili paśla zaklučeńnia z nami damovy.

— Vy viedali, što ŭ hetaj kvatery znajšli dva trupy?

— N-je-je. Vy mnie zaraz niejkija žachi raspaviadajecie. <…> Tam była całkam pustaja kvatera, kali ja pryjechaŭ. Mnie skazali, što jany jaje kupili, ale nie chapiła hrošaj na ramont, tamu i vyrašyli pradać. Heta ŭsio, što ja viedaju.

Kamientary7

  • Nie zrazumieła
    30.01.2025
    Kvateru kupili, ale adrazu ž pradajuć? Narkamany płachija kaniešnie, ale nie nastolki, kab ich zabivať za hrošy.
    • Narkołoh
      30.01.2025
      Nie zrazumieła, U tiebia 80% strany - etanołovyje narkomany. Dierievnia - 99%.
      • Žvir
        30.01.2025
        Narkołoh, vy zahnuli. Zaležnych značna mieniej za 80%. Hetaksama vy j cukierkavych narkamanaŭ pryplaciecie, bo ich ciaham žyćcia spažyvaje 100% nasielnictva, a ŭ dziciačych sadkach - 200% ...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu21

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Usie naviny →
Usie naviny

Dziaŭčyna pakazała katoŭ, jakija žyvuć la chrama na Hrodzienščynie3

Aramatyčnyja śviečki takija ž škodnyja, jak vychłapnyja hazy aŭtamabilaŭ

Syn Trampa zaklikaŭ «nie tykać cmoka ŭ voka»2

Tramp skazaŭ, što situacyja va Ukrainie patrabuje vybaraŭ, bo Zialenski nibyta maje 4% padtrymki26

Aryštavany prahramist z «Atłanta». Jamu pahražaje da 12 hadoŭ za palityku3

Tramp zajaviŭ, što Rasija choča «spynić hetaje dzikunstva», a va Ukrainy «było try hady, kab sieści za stoł pieramoŭ»23

Płan Trampa pa Ukrainie — najhoršy. Za vyklučeńniem usich astatnich — Rudkoŭski20

Stan papy Franciška pahoršaŭ, u jaho dvuchbakovaja pnieŭmanija3

Pamior Pavieł Rudzienia — nieviduščy radyjoviadučy ź Minska

bolš čytanych navin
bolš łajkanych navin

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu21

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Hałoŭnaje
Usie naviny →

Zaŭvaha:

 

 

 

 

Zakryć Paviedamić