Papularyzatara biełaruskaj movy Ihara Słučaka abvinavačvajuć u «sadziejničańni ekstremisckaj dziejnaści».

Ihar Słučak napisaŭ u sacsietkach, što sprava była zaviedzienaja na jaho 22 maja 2024 hoda. 24 śniežnia materyjały byli pieradadzienyja ŭ Rahačoŭski rajonny adździeł Śledčaha kamiteta.

Moŭny aktyvist, juryst i pravaabaronca Ihar Słučak, žyvučy ŭ Biełarusi, nie adzin hod vysyłaŭ čynoŭnikam, pradpryjemstvam i inšym listy-zvaroty adnosna vykarystańnia imi ŭ publičnaj dziejnaści biełaruskaj movy. Vosieńniu 2023 hoda jon razam z žonkaj Alinaj Nahornaj i dvuma dziećmi byŭ evakujavany ź Biełarusi pry dapamozie fondu salidarnaści BySol, ale pierapisku z čynoŭnikami nie spyniŭ i paśla taho.
Apošnim časam na dziejnaść Ihara Słučaka źviarnuła ŭvahu viadomaja danosčyca Volha Bondarava, jakaja pryśviačaje jamu pasty ŭ svaim telehram-kanale i, vidać, piša danosy niepasredna na miescy.
Kamientary