U adnym ź biełaruskich haradoŭ haradskuju jełku vyrašyli nie prybirać daŭžej za astatnich
U rajcentry Iŭje hałoŭnaja haradskaja jełka prastaić da 3 lutaha, u toj čas jak u inšych haradach Biełarusi jełki z płoščaŭ užo prybirajuć. Miascovyja ŭłady vyrašyli ŭličyć prośbu viernikaŭ miascovaj katalickaj parafii śviatych apostałaŭ Piatra i Paŭła, piša Katolik.life.

Reč u tym, što ŭ hetym horadzie 2 lutaha adbudziecca viadomy na ŭsiu Biełaruś fiestyval kaladnych śpievaŭ Gloria in excelsis Deo — «Chvała na vyšyniach Bohu», paviedamiŭ Iŭjeŭski dekanat. Mierapryjemstva štohod źbiraje ŭdzielnikaŭ roznaha ŭzrostu, jakija nie tolki vykonvajuć kaladnyja pieśni, ale taksama čytajuć vieršy, tančać i pakazvajuć scenki.
Fiestyval projdzie ŭ centry kultury i volnaha času — akurat kala jaho i staić hałoŭnaja haradskaja jełka. Darečy, jaje pa vynikach abłasnoha konkursu nazvali samaj pryhožaj na Hrodzienščynie.
Uvohule ž pa katalickaj tradycyi jełki i stajenki i pavinny stajać u katalikoŭ da śviata Achviaravańnia Pana, jakoje adznačajecca 2 lutaha.
Bondaravu aburyli słova Rastvo i zorki NATA na navahodniaj jełcy ŭ Minsku
Na hałoŭnaj jełcy Bresta zamiest Viflejemskaj zorki pastavili «vajennuju». I heta ŭžo nie pieršy raz
Niechta zarabiŭ tysiačy rubloŭ, a kahości ablili vadoj: biełarusy pakazvajuć, jak kaladavali
U Bielhii miascovych žycharoŭ zaklikali nie vykidać jełki, a… źjeści ich. Prapanavali navat stravy
Nie puścić u chatu kaladoŭnika — drennaja prykmieta. Jak i dziela čaho kaladavali biełarusy
Kamientary