Śviet22

Prydniastroŭje damoviłasia z Małdovaj ab pastaŭkach hazu biez Rasii

Ułady Prydniastroŭja i Małdovy damovilisia ab pastaŭkach hazu ŭ niepryznanuju respubliku na najbližejšy čas, paviedamiŭ «Kamiersant» spasyłajučysia na krynicy. Pa ich słovach, dla hetaha Tyraspal i Kišynioŭ damovilisia padzialić hrant Jeŭrasajuza na 30 młn jeŭra.

Na vydzielenyja srodki Prydniastroŭje płanuje nabyć kala 3,2 młn kubamietraŭ hazu ŭ sutki z 1 pa 10 lutaha. Paliva na jeŭrapiejskim rynku budzie nabyvać małdoŭskaja dziaržaŭnaja kampanija Energocom i praz «Małdovahaz» pastaŭlać na levy bierah Dniastra. Kišynioŭ na svaju častku hranta praciahnie nabyvać elektryčnaść na spotavym rynku.

U toj ža čas z 11 lutaha, kali srodki hranta ES skončacca, Prydniastroŭje raźličvaje na atrymańnie humanitarnaj dapamohi ad Rasii, adznačyŭ adzin z surazmoŭcaŭ «Kommiersanta». Idzie havorka pra finansavańnie pastavak hazu praź vienhierskich trejdaraŭ — MET International AG, MOL i MVM. Pra toje, što Rasija daść Tyraspalu kredyt dla pakupki hazu, raniej zajaŭlaŭ kiraŭnik niepryznanaj respubliki Vadzim Krasnasielski.

Jeŭrakamisija abviaściła pra vydzialeńnie Małdovie 30 młn jeŭra dla nabyćcia i transparciroŭki hazu ŭ Prydniastroŭje 27 studzienia. U kamisii rastłumačyli, što nabyty na hrant haz pavinien pastupić u niepryznanuju respubliku, kab «dapamahčy adnaŭleńniu elektrazabieśpiačeńnia i aciapleńnia dla bolš čym 350 000 žycharoŭ rehijonu», a taksama adnavić pastaŭki elektryčnaści ź levaha bieraha Dniastra na pravy.

U toj ža čas tam adznačyli, što vydzielenyja srodki — heta «pieršasnaja dapamoha» rehijonu. Paśla 10 lutaha budzie vydzieleny inšy pakiet, «nakiravany na źmiakčeńnie dla hramadzian Małdovy nieadkładnych sacyjalnych nastupstvaŭ kryzisu i dapamohu va ŭmacavańni enierhietyčnaj niezaležnaści i ŭstojlivaści Respubliki Małdova».

Kamientary2

  • Buduć dušyć
    31.01.2025
    I patrabavać ad Ciraspala ŭ jaŭnaj ci niajaŭnaj formie źmianić vassalitet.
    Zrešty im ničoha inšaha nie zastajecca.
    Prydniestroŭje u poŭnym atačeńni.
  • Janka
    31.01.2025
    Buduć dušyć , sprava nie ŭ atačeńni, a ŭ šmathadovaj niepłaciožazdolnaści, abumoŭlenaj parazityčnym charaktaram Prydniastroŭja. Padobny stan rečaŭ jość vyklikanym kantralem prarasiejskimi kryiminalnikami z hrupoŭki "Šeryf", siadiačymi na štykach akupacyjnaha rasiejskaha vajskovaha kantynhientu, a taksama karumpavanaściu byłoha prarasiejskaha kiraŭnictva Małdovy na čale z Dadonam
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie3

Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie

Usie naviny →
Usie naviny

Tramp: Ukraina moža zabyć pra NATA. Heta toje, z čaho ŭsio pačałosia15

Pamierła aktrysa «Jeŭratura» i «Platkarki» Mišel Trachtenbierh. Joj było 393

Niekatoryja biełarusy ŭžo sioleta pačnuć atrymlivać «druhuju piensiju»2

Ad Paźniaka da Capkały: litoŭskija aktyvisty skłali top zaciatych «lićvinistaŭ»36

U biełaruskaj kramie znajšli «chlebabat» VIDEA3

Za ŭdzieł u pratestach sudziać 74-hadovaha minčuka6

U ZŠA zajavili, što pakul nie ŭzhadnili ździełku z Ukrainaj pa pryrodnych resursach. A Zialenski zadavoleny2

«Kupalinka» — narodnaja pieśnia ci aŭtarskaja? Pravilny adkaz — i takaja, i takaja

«Stały dla kuni». Biełaruski vytvorca mebli zrabiŭ pravakacyjnuju rekłamu27

bolš čytanych navin
bolš łajkanych navin

Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie3

Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie

Hałoŭnaje
Usie naviny →

Zaŭvaha:

 

 

 

 

Zakryć Paviedamić