Ich cieły buduć dastaŭleny ŭ abłasny centr 15 sakavika prykładna a 22‑j hadzinie.
Jak paviedamiŭ načalnik adździeła fizičnaj kultury, sportu i turyzmu Bresckaha harvykankama Alaksandr Biaspałaŭ, 16 sakavika z 9.30 da 11.30 u Ladovym pałacy adbudziecca hramadzianskaja panichida, zatym z 12.00 da 12.40 — adpiavańnie zahinułych u Śviata‑Uvaskrasienskim sabory‑pomniku ŭ honar 50‑hodździa Pieramohi ŭ Vialikaj Ajčynnaj vajnie. Paśla hetaha cieły turystaŭ buduć pieraviezieny da miesca pachavańnia.
Pavodle infarmacyi na hety čas, Darja Tracynskaja budzie pachavana na mohiłkach u vioscy Bulkava Žabinkaŭskaha rajona, Michaił Karpieš — u vioscy Černi Bresckaha rajona, Alaksandra Koŭhan — u Kobrynskim rajonie, Jaŭhien Traskievič — u Słonimie.
Trahiedyja zdaryłasia 8 sakavika ŭ Łavazierskim rajonie Murmanskaj vobłaści, na pieravale Tavajok na adlehłaści 26 km ad pasiołka Reŭda.
Śniežnaja łavina nakryła šaściarych biełaruskich turystaŭ. Dvum ź ich, Alaksandru Jurahu i Dźmitryju Faminu, udałosia vyratavacca. Viečaram 9 sakavika jany dabralisia da ludziej i paviedamili pra zdareńnie. Čatyry turysty — Michaił Karpieš (1981 hoda naradžeńnia), Jaŭhien Traskievič (1986), Darja Tracynskaja (1983) i Alaksandra Koŭhan (1987) — zahinuli.
Usie jany pracavali ŭ Breście. Karpieš žyŭ u Bresckim rajonie, Koŭhan — u Kobrynie, Traskievič i Tracynskaja — u Breście.
Nahadajem, 12 sakavika ź inicyjatyvy bresckich turystaŭ byŭ adkryty dabračynny rachunak dla akazańnia dapamohi rodnym zahinułych u Murmanskaj vobłaści: raźlikovy rachunak № 3819382105438 u filijale № 126 AAT «AAB «Biełarusbank» horada Bresta, MFA 252, dabračynny rachunak № 000 000 030 z pamietkaj «Na akazańnie dapamohi rodnym turystaŭ, jakija trapili ŭ katastrofu ŭ harach Kolskaha paŭvostrava».
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram28
Kamientary