Francuzski spadarožnikavy apieratar Eutelsat zmoža zamianić svajoj pradukcyjaj amierykanski Starlink va Ukrainie, upeŭnienyja inviestary. Zaraz kampanija viadzie pieramovy ź jeŭrapiejskimi ŭradami, piša Financial Times.
Kampanija Eutelsat upeŭniena, što zmoža adpravić va Ukrainu svaje pryłady ŭ dadatak da spadarožnikaŭ Starlink Iłana Maska. Inviestary kažuć, što francuzski anałah u budučyni zmoža zamianić amierykanski.
Francuzski kankurent Starlink hatovy «chutka razharnucca va Ukrainie dla padklučeńnia najbolš važnych misij i infrastruktur».
Starlink staŭ krytyčna važnym dla Ukrainy padčas poŭnamaštabnaj vajny, bo jon mocna palepšyŭ kamunikacyju na poli boju. Ale zaraz, z prypynieńniem vajennaj dapamohi ad ZŠA, jość aściarohi, što hety prajekt moža być pad pahrozaj.
4 sakavika akcyi Eutelsat uźlacieli amal na 80%, bo trejdary robiać staŭku na toje, što namahańni jeŭrapiejskich lidaraŭ pa padtrymcy Ukrainy padvysiać popyt na pasłuhi kampanii.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary