Kanada adkazała Trampu na myty ŭviadzieńniem svaich. Tramp abiacaje svaje padvoić
Kanada pryniała vyklik amierykanskaj administracyi i ŭstupiła ŭ abvieščanuju joj handlovuju vajnu. U adkaz na novyja taryfy ZŠA Kanada ŭvodzić 25% pošliny na amierykanskija tavary na sumu 155 miljardaŭ dalaraŭ.
Kanadski premjer-ministr Džaścin Trudo rastłumačyŭ, što Kanada nieadkładna ŭvodzić mytnyja pošliny na tavary ZŠA na sumu 30 miljardaŭ dalaraŭ. Na astatnija tavary na sumu 125 miljardaŭ dalaraŭ heta budzie zroblena praz 21 dzień.
Trudo taksama dadaŭ, što Kanada padaść pazovy ŭ Suśvietnuju handlovuju arhanizacyju pa novych taryfach ZŠA. A tym časam kanadskija taryfy buduć zastavacca ŭ sile da taho času, pakul myty Złučanych Štataŭ nie buduć admienienyja.
Prezident ZŠA Donald Tramp adreahavaŭ na hetuju pastanovu kanadskaha ŭrada pahrozami ŭ svajoj sacsietcy Truth Social.
U svajoj publikacyi Tramp znoŭ nazvaŭ Džaścina Trudo «hubiernataram» Kanady i pryhraziŭ pavialičyć udvaja 25% myty, jakija ZŠA ŭviała na kanadskija tavary.
«Kali łaska, rastłumačcie hubiernataru Kanady Trudo, što kali jon uvodzić myty suprać ZŠA, našy taryfy ŭ adkaz nieadkładna pavialičacca na takuju ž sumu», — napisaŭ Tramp.
25%-ja myty Trampa na tavary ź Mieksiki i Kanady, a taksama padvajeńnie raniej zapłanavanych mytaŭ na kitajskija tavary, da 20%, nabyli moc 4 sakavika.
Uviedzienyja taryfy suprać Mieksiki i Kanady prezident ZŠA tłumačyć nibyta baraćboj z narkahandlem, a mienavita raspaŭsiudžvańniem fientaniłu. U svajoj sietcy Truth Social amierykanski lidar napisaŭ, što narkotyki ŭsio jašče pastupajuć u jaho krainu ź Mieksiki i Kanady ŭ vielmi vysokich i nieprymalnych kolkaściach.
«My nie možam dazvolić hetamu biedstvu praciahvać nanosić škodu ZŠA, i tamu, pakul jano nie spynicca ci nie budzie surjozna abmiežavana, prapanavanyja taryfy ŭstupiać u siłu», — adznačyŭ Tramp.
Kitaj paśla ŭviadzieńnia amierykanskich mytaŭ zajaviŭ, što z 10 sakavika ŭviadzie dadatkovyja myty ŭ pamiery 10-15% na niekatoryja vidy impartu z ZŠA. Prezidentka Mieksiki Kłaŭdyja Šejnbaum anansavała, što jaje kraina taksama adkaža na 25% myty, uviedzienyja Złučanymi Štatami, i ŭviadzie adpaviednyja taryfy na amierykanskija tavary.
Tramp padvoiŭ myty na tavary z Kitaju i ŭvioŭ u dziejańnie ŭkaz pra myty dla Kanady i Mieksiki ŭ 25%
Tramp choča spynić finansavańnie dla ŭniviersitetaŭ ZŠA, dzie adbyvajucca pratesty. Z čym niazhodnyja studenty?
Paŭza ci kaniec? Što aznačaje rašeńnie ZŠA prypynić dapamohu Ukrainie
Tramp zdradziŭ Ukrainie, a ŭ Amierycy zapachła fašyzmam — Le Monde
Kamientary
Heta treba skazać pra samoha Trampa.
Jeŭropa + Kitaj suprać Rasiei (tam navat mocna staracca nie treba) i taho što zastaniecca ad ZŠA